సాయిరోనక్, నేహాసోలంకి జంటగా నటిస్తున్న చిత్రం ‘ఛలో ప్రేమిద్దాం’. సురేష్శేఖర్ రేపల్లే దర్శకుడు. ఉదయ్కిరణ్ నిర్మించారు. ఈ నెల 19న విడుదలకానున్నది. బుధవారం హైదరాబాద్లో ఈ చిత్ర ప్రీ రిలీజ్ వేడుక జరిగింది. ఈ కార్యక్రమానికి ముఖ్య అతిథిగా హాజరైన నిర్మాత బెక్కెం వేణుగోపాల్ మాట్లాడుతూ ‘పాటలు, ప్రచార చిత్రాలు బాగున్నాయి. దర్శకత్వశాఖలో పదిహేనేళ్ల సుదీర్ఘ అనుభవం ఉన్న సురేష్శేఖర్ కమర్షియల్ హంగులతో అర్థవంతంగా సినిమాను తెరకెక్కించాడు’ అని తెలిపారు. ‘ఇందులో రామ్ అనే మధ్యతరగతి యువకుడిగా నేను కనిపిస్తా. నా క్యారెక్టర్తో ప్రతి ఒక్కరూ కనెక్ట్ అవుతారు. సీత అనే అమ్మాయి కోసం రాముడు ఎలాంటి పోరాటం చేశాడన్నది ఆకట్టుకుంటుంది’ హీరో సాయిరోనక్ అన్నారు. దర్శకుడు మాట్లాడుతూ ‘స్టార్స్ లేని చిన్న సినిమా మాది. కానీ క్వాలిటీ పరంగా ఆ భావన ఎక్కడా కలగదు. షూటింగ్ సమయంలో గాయపడినా లెక్కచేయకుండా తన పాత్రకు న్యాయం చేసింది నేహా. సాయిరోనక్ పాత్ర కొత్తగా ఉంటుంది’ అని తెలిపారు. యాక్షన్, కామెడీ, రొమాన్స్తో పాటు అన్ని వాణిజ్య హంగులున్న సినిమా ఇదని నిర్మాత చెప్పారు. ఈ కార్యక్రమంలో గేయరచయితలు సురేష్ గంగుల, దేవ్, నటులు కల్యాణ్, భరత్ తదితరులు పాల్గొన్నారు.