టయోటా అర్బన్‌ క్రూజర్ల రీకాల్

‌
ఎయిర్‌బ్యాగ్‌ మాడ్యూల్‌లో లోపమే కారణం
న్యూఢిల్లీ, మార్చి 17: ప్రముఖ ఆటోమొబైల్‌ సంస్థ టయోటా ఇండియా తన ‘అర్బన్‌ క్రూజర్‌’ కాంపాక్ట్‌ ఎస్‌యూవీలను రీకాల్‌ చేస్తున్నట్లు ప్రకటించింది. గతేడాది జూలై 28 నుంచి ఈ ఏడాది ఫిబ్రవరి 11 వరకు తయారైన అర్బన్‌ క్రూజర్లలో డ్రైవర్‌ సైడ్‌ ఎయిర్‌బ్యాగ్‌ మాడ్యూళ్లు లోపభూయిష్టంగా ఉన్నట్లు గుర్తించడంతో దాదాపు 9,500 యూనిట్లను రీకాల్‌ చేస్తున్నామని ఓ ప్రకటనలో వెల్లడించింది. లోపభూయిష్టంగా ఉన్న ఎయిర్‌బ్యాగ్‌ మాడ్యూళ్లను ఉచితంగానే మారుస్తామని స్పష్టం చేసింది. ఇందుకోసం అర్బన్‌ క్రూజర్ల యజమానులు సమీపంలో ఉన్న టయోటా అధీకృత డీలర్లను గానీ 1800 4250001 నంబర్‌కు ఫోన్‌చేసి టయోటా కస్టమర్‌ అసిస్టెన్స్‌ సెంటర్‌ను గానీ సంప్రదించాలని సూచించింది.
బ్రెజా సురక్షితమే
అయితే అర్బన్‌ క్రూజర్‌కు మూలాధారమైన మారుతి సుజుకీ విటారా బ్రెజా కార్లలో మాత్రం ఇలాంటి సమస్యలేవీ బయటపడకపోవడం గమనార్హం.