Tecno Phantom V Flip 5G | ప్రముఖ స్మార్ట్ ఫోన్ల తయారీ సంస్థ టెక్నో ఫాంటం (Tecno Phatom) భారత్ మార్కెట్లోకి శుక్రవారం ఫోల్డబుల్ ఫోన్ టెక్నో ఫాంటం వీ ఫ్లిప్ 5జీ (Tecno Phantom V Flip 5G) ఫోన్ ఆవిష్కరించింది. భారత్ మార్కెట్లోకి టెక్నో ఫాంటం తీసుకొచ్చిన రెండో ఫోల్డబుల్ ఫోన్ ఇది. ఈ ఏడాది ప్రారంభంలో బార్సిలోనాలో జరిగిన మొబైల్ వరల్డ్ కాంగ్రెస్-2023లో ఆవిష్కరించిన టెక్నో ఫాంటం వీ ఫోల్డ్ ఫోన్ను గత ఏప్రిల్లో దేశీయ మార్కెట్లోకి తెచ్చింది.
తాజాగా టెక్నో ఫాంటం (Tecno Phantom) ఆవిష్కరించిన టెక్నో ఫాంటం వీ ఫ్లిప్ 5జీ ఫోన్ (Tecno Phantom V Flip 5G) .. ఐకానిక్ బ్లాక్, మైస్టిక్ డాన్ కలర్ ఆప్షన్లలో లభిస్తుంది. సింగిల్ 8జీబీ ర్యామ్ విత్ 256 జీబీ ఇంటర్నల్ స్టోరేజీ వేరియంట్గా వస్తుంది. ఎర్లీ బర్డ్ ప్రైస్ రూ.49,999 (ఎక్స్ షోరూమ్) గా నిర్ణయించారు. వచ్చేనెల ఒకటో తేదీ మధ్యాహ్నం 12 గంటల నుంచి ఈ-కామర్స్ ప్లాట్ఫామ్ అమెజాన్లో లభిస్తుంది.
టెక్నో ఫాంటం వీ ఫ్లిప్ 5జీ (Tecno Phantom V Flip 5G) ఫోన్ ఫుల్ హెచ్డీ + (2400×1080 పిక్సెల్స్) ఫ్లెక్సిబుల్ అమోలెడ్ ఇన్నర్ డిస్ప్లే కలిగి ఉంటుంది. 1000 నిట్స్ పీక్ బ్రైట్నెస్తో వస్తుంది.
క్లామ్షెల్ ఫోల్డబుల్ టెక్నో ఫాంటం వీ ఫ్లిప్ 5జీ (Tecno Phantom V Flip 5G) ఫోన్ మీడియా టెక్ డైమెన్సిటీ 8050 ఎస్వోసీ చిప్సెట్, ఆర్మ్ మాలీ-జీ 77 జీపీయూ విత్ 8జీబీ ఎల్పీడీడీఆర్4ఎక్స్ ర్యామ్ వర్చువల్లీ 16 జీబీ వరకూ, ఇంటర్నల్ స్టోరేజీ 256 జీబీ ఆఫ్ యూఎఫ్ఎస్ 3.1 ఇన్ బిల్ట్ స్టోరేజీ పెంచుకోవచ్చు. ఆండ్రాయిడ్ 13.5 వర్షన్ మీద పని చేస్తుందీ పోన్. రెండేండ్ల పాటు ఓఎస్ అప్ డేట్స్, మూడేండ్లు సెక్యూరిటీ అప్ డేట్స్ అందిస్తుంది.
టెక్నో ఫాంటం వీ ఫ్లిప్ 5జీ ఫోన్ 64-మెగా పిక్సెల్ ప్రైమరీ సెన్సర్ కెమెరా, క్వాడ్ ఫ్లాష్ లైట్ యూనిట్తో 13-అంగుళాల మెగా పిక్సెల్ సెన్సర్ విత్ వైడ్ యాంగిల్ లెన్స్ కెమెరా కలిగి ఉంటుంది. ఇక సెల్ఫీలూ వీడియో కాల్స్ కోసం 32-మెగాపిక్సెల్ సెన్సర్ కెమెరా కూడా ఉంటది.
5జీతోపాటు వై-ఫై 6, ఎన్ఎఫ్సీ, బ్లూటూత్ 5.1 కనెక్టివిటీ కలిగి ఉన్న టెక్నో ఫాంటం వీ ఫ్లిప్ 5జీ ఫోన్ ఎల్లా జీపీటీ 3.0కు మద్దతుగా ఉంటుంది. 45 వాట్ల వైర్డ్ ఫాస్ట్ చార్జింగ్ మద్దతుతో 4000 ఎంఏహెచ్ కెపాసిటీ గల బ్యాటరీతో వస్తుంది.