Tata Neu | నియులో టాటాయేత‌ర బ్రాండ్ ఉత్ప‌త్తుల ఆర్డ‌ర్లు కూడా.. చంద్ర‌శేఖ‌ర‌న్‌

Tata Neu | నియుతో ఇత‌ర బ్రాండ్ల ఉత్ప‌త్తులు, స‌ర్వీసుల‌ను అందుకోవ‌చ్చున‌ని టాటా స‌న్స్ చైర్మ‌న్ చంద్ర‌శేఖ‌ర‌న్ తెలిపారు.

Tata Neu |  ఇటీవ‌లే టాటా గ్రూప్ ఆవిష్క‌రించిన సూప‌ర్ యాప్ `టాటా నియూ`లో టాటా స‌న్స్ గ్రూప్‌యేత‌ర బ్రాండ్ల వ‌స్తువులు, స‌ర్వీసులు కూడా బుక్ చేసుకోవ‌చ్చు. ఈ సంగ‌తి టాటా స‌న్స్ చైర్మ‌న్ న‌ట‌రాజ‌న్ చంద్ర‌శేఖ‌ర‌న్ గురువారం చెప్పారు. కొన్ని నెల‌లుగా ప్ర‌యోగాత్మ‌కంగా ప‌రీక్షించిన త‌ర్వాత ఈ నెల ఏడో తేదీన అధికారికంగా ప్రారంభించిన సంగ‌తి తెలిసిందే. కానీ సూప‌ర్ యాప్ ద్వారా వాణిజ్య లావాదేవీలను ప్రారంభించ‌డంలో ఎటువంటి జాప్యం ఉండ‌బోద‌ని చంద్ర‌శేఖ‌ర‌న్ స్ప‌ష్టం చేశారు. `టాటా నియు` పాస్ నాన్ గ్రూప్ బ్రాండ్ల‌కు కూడా అందుబాటులో ఉంటుంద‌న్నారు.

అమెజాన్‌, ఫ్లిప్‌కార్ట్ మాదిరిగానే గ్రాస‌రీ కొనుగోళ్ల నుంచి హోట‌ల్‌, విమాన టికెట్ బుకింగ్ వ‌ర‌కు, మెడిసిన్స్ కొనుగోలుకు సింగిల్ ప్లాట్‌ఫామ్‌గా టాటా నియూ సూప‌ర్ యాప్ ప‌ని చేయ‌నున్న‌ది. ఎయిర్ ఏషియా, బిగ్ బాస్కెట్‌, క్రోమా, ఐహెచ్‌సీఎల్‌, క్విమిన్‌, స్టార్‌బ‌క్స్‌, టాటా 1ఎంజీ, టాటా క్లిక్‌, టాటా ప్లే, వెస్ట్ సైడ్ బ్రాండ్ల‌ను ఇప్ప‌టికే సూప‌ర్ యాప్‌లో చేరార్చారు. విస్తారా, ఎయిరిండియా, టైటాన్‌, త‌నిష్క్‌, టాటా మోటార్స్‌ను చేర్చనున్నారు.

గ‌తేడాది మేలో ఆన్‌లైన్ గ్రాస‌రీ సెల్ల‌ర్ బిగ్‌బాస్కెట్‌లో టాటా డిజిట‌ల్ మెజారిటీ వాటా కొనుగోలు చేసింది. త‌ద్వారా బిలియ‌నీర్ ముకేశ్ అంబానీ రిల‌య‌న్స్ జియోమార్ట్‌, అమెజాన్‌ల‌కు గ‌ట్టి పోటీ ఇచ్చేందుకు సిద్ధ‌మైంది. ఆ వెంట‌నే ఫిట్‌నెస్ ఫోక‌స్డ్ క్యూర్‌ఫిట్ హెల్త్‌కేర్‌లో 75 మిలియ‌న్ల పెట్టుబ‌డులు పెట్టింది. ఆన్‌లైన్ హెల్త్‌కేర్ మార్కెట్ ప్లేస్ సంస్థ 1ఎంజీలో మెజారిటీ వాటాను టాటా డిజిట‌ల్ కైవ‌శం చేసుకుంది.