హైదరాబాద్‌లో స్టీల్‌కేస్‌ షోరూం

బ్రిటన్‌కు చెందిన ఫర్నిచర్‌ విక్రయ సంస్థయైన స్టీల్‌కేస్‌.. తాజాగా తెలంగాణ మార్కెట్లోకి అడుగుపెట్టింది. సీటింగ్‌ వరల్డ్‌తో కలిసి హైదరాబాద్‌లో తన తొలి షోరూంను ప్రారంభించింది.

హైదరాబాద్‌, మే 26: బ్రిటన్‌కు చెందిన ఫర్నిచర్‌ విక్రయ సంస్థయైన స్టీల్‌కేస్‌.. తాజాగా తెలంగాణ మార్కెట్లోకి అడుగుపెట్టింది. సీటింగ్‌ వరల్డ్‌తో కలిసి హైదరాబాద్‌లో తన తొలి షోరూంను ప్రారంభించింది. ఇప్పటికే బెంగళూరు, ముంబై, ఢిల్లీ, టోక్యో, షాంఘై, బీజింగ్‌, హాంకాంగ్‌, సింగపూర్‌, సిడ్నీలో షోరూంలను ఏర్పాటు చేసింది. 10 వేల చదరపు అడుగుల విస్తీర్ణంలో ఏర్పాటు చేసిన ఈ షోరూంలో 3 వేల వరకు ఉత్పత్తులను ప్రదర్శించనున్నట్టు స్టీల్‌కేస్‌ ఆసియా పసిఫిక్‌ ప్రెసిడెంట్‌ ఉలి గ్విన్నర్‌ తెలిపారు.

వ్యాపార విస్తరణలో భాగంగా వచ్చే రెండేండ్లలో దేశవ్యాప్తంగా 40 నుంచి 50 షోరూంలను ఏర్పాటు చేయాలనుకుంటున్నట్టు చెప్పారు. సంస్థకు అంతర్జాతీయంగా వచ్చిన ఆదాయంలో ఇండియా వాటా 2-3 శాతం గా ఉంటుందని, వ్యాపారాన్ని మరింత విస్తరించడంతో ఈ ఏడాది రెండంకెల స్థాయికి చేరుకుంటుందని ఆశిస్తున్నట్టు చెప్పారు.