ముంబై: రూపాయి విలువ ఇవాళ మరింత పతనమైంది. ఇవాళ ట్రేడింగ్ సమయంలో 6 పైసలు తగ్గి .. డాలర్తో పోలిస్తే 83.06 వద్ద ట్రేడ్ అయ్యింది. స్టాక్ ఎక్స్చేంజ్ వద్ద ఇవాళ డాలర్తో పోలిస్తే 83.05 వద్ద ట్రేడింగ్ మొదలైంది. ఆ తర్వాత మరింత దిగజారి.. 83.06కు చేరుకున్నది. గత క్లోజింగ్ మార్కెట్తో పోలిస్తే రూపాయి విలువ ఆరు పైసలు తగ్గింది.
బుధవారం కూడా ట్రేడింగ్లో డాలర్తో పోలిస్తే రూపాయి విలువ కష్టానికి చేరుకున్నది. బుధవారం రూపాయి విలువ 60 పైసలు తగ్గింది. దాంతో డాలర్ విలువ 83 వద్ద నిలిచిపోయింది. ఫారెక్స్ మార్కెట్లో డాలర్కు అనూహ్యంగా డిమాండ్ నెలకొనడంతో రుపీ అల్లాడిపోయింది
పలు ప్రపంచ ప్రధాన కరెన్సీల కంటే భారత కరెన్సీ అత్యధికంగా పతనం కావడం గమనార్హం. ఈ ఏడాది ఇప్పటివరకు 11.75 శాతం దేశీయ కరెన్సీ విలువ జారుకున్నది. 2013 తర్వాత ఒకే ఏడాదిలో ఇంత నష్టపోవడం ఇదే తొలిసారి.