హైదరాబాద్, ఫిబ్రవరి 8: విలువ ఆధారిత ఉత్పత్తుల సంస్థ పెన్నార్ ఇండస్ట్రిస్ రికార్డు స్థాయి లాభాలను ఆర్జించింది. డిసెంబర్తో ముగిసిన మూడు నెలల కాలానికిగాను సంస్థ రూ.21.12 కోట్ల నికర లాభాన్ని గడించింది. అంతక్రితం ఏడాది ఇదే త్రైమాసికంలో నమోదైన రూ.10.71 కోట్లతో పోలిస్తే 97 శాతం అధికమని కంపెనీ వైస్ ప్రెసిడెంట్ సునీల్ తెలిపారు. సమీక్షకాలంలో కంపెనీ ఆదాయం ఏడాది ప్రాతిపదికన 29.88 శాతం అధికమై రూ.692.22 కోట్లకు చేరుకున్నట్లు చెప్పారు.