PayPal | ఉద్యోగులకు షాక్‌ ఇచ్చిన పేపాల్‌.. ప్రపంచవ్యాప్తంగా 2,500 మందిపై వేటు

PayPal | ఫైనాన్షియల్‌ టెక్నాలజీ దిగ్గజం పేపాల్‌ (PayPal) ప్రపంచ వ్యాప్తంగా 9 శాతం ఉద్యోగులను తొలగించనున్నట్లు ప్రకటించింది

PayPal | ప్రపంచవ్యాప్తంగా టెక్‌ రంగంలో లేఆఫ్స్‌ పర్వం కొనసాగుతోంది. గూగుల్ (Google) , మైక్రోసాఫ్ట్ (Microsoft), అమెజాన్ (Amazon), ట్విట్టర్ (Twitter)‌, లింక్డిన్‌ (LinkedIn), మెటా (Meta) వంటి టెక్ దిగ్గజాలు (tech Companies) ఒకదాని తర్వాత ఒకటి సంస్థలోని ఉద్యోగులను ఇప్పటికే తొలగించాయి. పలు కంపెనీలు ఇంకా లేఆఫ్స్‌ కొనసాగిస్తు్న్నాయి. ఆయా సంస్థలు గత ఏడాది కాలంగా విడతల వారీగా ఉద్యోగులను ఇంటికి పంపుతున్నాయి. తాజాగా మరో దిగ్గజ సంస్థ లేఆఫ్స్‌ ప్రకటించి ఉద్యోగులకు షాక్‌ ఇచ్చింది.

ఫైనాన్షియల్‌ టెక్నాలజీ దిగ్గజం పేపాల్‌ (PayPal) ప్రపంచ వ్యాప్తంగా 9 శాతం ఉద్యోగులను తొలగించనున్నట్లు ప్రకటించింది. కంపెనీ నిర్ణయంతో సుమారు 2,500 మంది ఉద్యోగాలు కోల్పోనున్నారు. ఈ మేరకు ఉద్యోగులకు కంపెనీ సీఈవో అలెక్స్‌ క్రిస్‌ (Alex Chriss) లేఖ రాశారు. ఉద్యోగాలు కోల్పోతున్న వారికి ఈ వారాంతంలో సమాచారం అందజేస్తామని లేఖలో వెల్లడించారు. కంపెనీలో డూప్లికేషన్‌ తగ్గించడం, వనరులను సమర్థంగా వినియోగించడం, ఆటోమేషన్‌ వినియోగంతో సంక్లిష్టతలు తొలగించేందుకు ఈ నిర్ణయం తీసుకున్నట్లు తెలిపారు. అభివృద్ధికి అవకాశం ఉన్న విభాగాల్లో తమ పెట్టుబడులు కొనసాగిస్తామని ఈ సందర్భంగా క్రిస్‌ పేర్కొన్నారు.

Also Read..

Delhi Hotel | హోటల్‌ బిల్లు రూ.6లక్షలు.. అకౌంట్లో ఉన్నది రూ.41 మాత్రమే.. ఢిల్లీలో ఏపీ మహిళ చీటింగ్‌

Dense Fog | ఢిల్లీలో 13 ఏళ్లలో ఎన్నడూ లేని చలి.. పొగమంచు కారణంగా ఆలస్యంగా నడుస్తున్న 50కిపైగా విమానాలు

Maldives Prosecutor General: మాల్దీవుల ప్రాసిక్యూట‌ర్ జ‌న‌ర‌ల్‌పై క‌త్తితో దాడి