6 Air Bags in Cars | ఆరు ఎయిర్‌బ్యాగ్‌లు త‌ప్ప‌నిస‌రి.. తేల్చి చెప్పిన గ‌డ్క‌రీ!

6 Air Bags in Cars | అన్ని ర‌కాల వేరియంట్లు, సెగ్మెంట్‌ కార్ల‌లో ఆరు ఎయిర్‌బ్యాగ్‌లు వాడాల‌ని కార్ల త‌యారీ సంస్థ‌ల‌కు కేంద్ర మంత్రి నితిన్ గ‌డ్క‌రీ....

August 3, 2021 / 07:50 PM IST

6 Air Bags in Cars | ఆరు ఎయిర్‌బ్యాగ్‌లు త‌ప్ప‌నిస‌రి.. తేల్చి చెప్పిన గ‌డ్క‌రీ!

6 Air Bags in Cars | అన్ని ర‌కాల వేరియంట్లు, సెగ్మెంట్‌ కార్ల‌లో క‌నీసం ఆరు ఎయిర్‌బ్యాగ్‌లు త‌ప్ప‌నిస‌రిగా వాడాల‌ని కార్ల త‌యారీ సంస్థ‌ల‌కు కేంద్ర రోడ్డు ర‌వాణాశాఖ మంత్రి నితిన్ గ‌డ్క‌రీ విజ్ఞ‌ప్తి చేశారు. ఏడాది లోపు ఫ్లెక్స్- ఫ్యూయ‌ల్ వెహిక‌ల్స్‌ను (ఎఫ్ఎఫ్‌వీ) మార్కెట్‌లోకి తేవాల‌ని నొక్కి చెప్పారు.

సొసైటీ ఆఫ్ ఇండియ‌న్ ఆటోమొబైల్ మాన్యుఫాక్చ‌ర‌ర్స్ (సియామ్‌) సీఈవోల‌తో మంగ‌ళ‌వారం ఆయ‌న స‌మావేశం అయ్యారు. ఏడాది లోపు 100 శాతం ఇథ‌నాల్ అండ్ పెట్రోల్‌తో న‌డిచే వాహ‌నాల‌ను విప‌ణిలోకి తీసుకు రావాల‌ని కోరిన‌ట్లు ట్విట్ట‌ర్ వేదిక‌గా అభ్య‌ర్థించారు.

ఇలా ప్ర‌యాణికుల సేఫ్టీ ఫ‌స్ట్ ప్రియారిటీ

ప్ర‌యాణికుల భ‌ద్ర‌తా ప్ర‌యోజ‌నాల రీత్యా అన్ని వేరియంట్లు, సెగ్మెంట్ల కార్ల‌లో త‌ప్ప‌నిస‌రిగా క‌నీసం ఆరు ఎయిర్‌బ్యాగ్‌లు ఏర్పాటు చేయాల‌ని కార్ల త‌యారీ సంస్థ‌ల‌ను కోరారు. ఈ స‌మావేశంలో ప్రైవేట్‌, క‌మ‌ర్షియ‌ల్, టూ వీల‌ర్స్ త‌యారీ సంస్థ‌ల‌తో కూడిన ప్ర‌తినిధులు పాల్గొన్నారు.

ప‌ర్యావ‌ర‌ణ ప‌రిర‌క్ష‌ణ నిబంధ‌న‌ల‌పై సియామ్ ఇలా

ఇదిలా ఉంటే, కార్లు, టూ వీల‌ర్స్ త‌యారీ సంస్థ‌లు మాత్రం ప‌ర్యావ‌ర‌ణ ప‌రిర‌క్ష‌ణ నిబంధ‌న‌ల అమ‌లు గ‌డువును పొడిగించాల‌ని మంత్రి నితిన్ గ‌డ్క‌రీని అభ్య‌ర్థించారు. బీఎస్‌-6 ఫేస్ 2, కేఫ్ ఫేస్‌-2తోపాటు టూ వీల‌ర్స్ కోసం తీసుకొచ్చిన ఓబీడీ రెగ్యులేష‌న్స్ అమ‌లు గ‌డువును పొడిగించాల‌ని కోరారు. వెహిక‌ల్ ఇంజినీరింగ్‌లో ఆటోమొబైల్ సంస్థ‌ల ప‌నితీరును మంత్రి ప్ర‌శంసించారు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి