Visit:
న్యూఢిల్లీ, నవంబర్‌ 29 : ఆర్‌పీజీ గ్రూపు వైస్‌ చైర్మన్‌గా విధులు నిర్వహిస్తున్న అనంత్‌ గోయెంకా.. 2025-26 ఆర్థిక సంవత్సరానికిగాను ఫిక్కీ ప్రెసిడెంట్‌గా పదవీ బాధ్యతలు స్వీకరించారు. ఇమామీ లిమిటెడ్‌ సీఎండీ హర్ష వర్ధన్‌ అగర్వాల్‌ స్థానంలో గోయెంకా నియమితులయ్యారు. కెల్లాగ్‌ స్కూల్‌ ఆఫ్‌ మేనేజ్‌మెంట్‌ నుంచి ఎంబీఏ పట్టా పొందిన అనంత్‌ గోయెంకా..వార్టన్‌ స్కేల్‌ నుంచి బీఎస్‌ పట్టాపొందారు.
ప్రస్తుత ఆర్థిక సంవత్సరానికిగాను నూతన కార్యవర్గాన్ని ఫిక్కీ ప్రకటించింది. అనంత్‌ గోయెంకాతోపాటు సీనియర్‌ వైస్‌ ప్రెసిడెంట్‌గా విజయ్‌ శంకర్‌ పదవీ బాధ్యతలు స్వీకరించారు. అలాగే నూతన వైస్‌ ప్రెసిడెంట్‌గా దాల్మియా భారత్‌ లిమిటెడ్‌ ఎండీ, సీఈవో పునీత్‌ దాల్మియా నియమితులయ్యారు.
