Rs. 2000 | మూడింట రెండొంతులు వెనక్కి.. 2000 నోట్ల రీకాల్‌పై ఆర్బీఐ గవర్నర్ శక్తికాంత దాస్

Rs. 2000 | మార్కెట్లో చలామణి నుంచి ఉపసంహరించుకున్న రూ.2000 నోట్లలో మూడింట రెండొంతులు వెనక్కి వచ్చేశాయని ఆర్బీఐ గవర్నర్ శక్తికాంత దాస్ చెప్పారు.

Rs. 2000 | మార్కెట్లో చలామణిలో ఉన్న రూ.2000 నోట్లలో మూడింట రెండొంతులకు పైగా వెనక్కు వచ్చేశాయని ఆర్బీఐ గవర్నర్ శక్తికాంత దాస్ చెప్పారు. గత నెల 19న రూ.2000 నోటు రీకాల్ చేస్తున్నట్లు ఆర్బీఐ ప్రకటించిన సంగతి తెలిసిందే. దాదాపు రూ.3.62 లక్షల కోట్ల విలువైన రూ.2000 నోట్లు రీకాల్ చేస్తున్నామని ఆర్బీఐ గవర్నర్ శక్తికాంత దాస్ తెలిపారు.

గత నెల 23 నుంచి సెప్టెంబర్ 30 వరకు రూ.2000 నోట్ల మార్పిడి, బ్యాంకు ఖాతాల్లో రూ.20 వేల వరకు డిపాజిట్ చేయవచ్చునని తెలిపింది ఆర్బీఐ. ఈ నెల ఎనిమిదో తేదీన ఆర్బీఐ రెండో ద్రవ్య పరపతి సమీక్ష సందర్భంగా సుమారు రూ.1.8 లక్షల కోట్ల విలువైన రూ.2000 నోట్లు వెనక్కి వచ్చాయని శక్తికాంత దాస్ తెలిపారు.

అంటే గత మార్చి నాటికి చలామణిలో ఉన్న రూ.2000 నోట్లలో 50 శాతం వెనక్కి వచ్చాయి. వాటిలో 85 శాతం డిపాజిట్లు, మిగతా 15 శాతం మార్పిడి ద్వారా వెనక్కు ఇచ్చేశారు. రూ.3.62 లక్షల కోట్ల విలువైన రూ.2000 నోట్లలో రూ.2.41 లక్షల విలువ గల రూ.2000 కరెన్సీ నోట్లు వెనక్కి వచ్చాయి.