మార్కెట్లోకి సెలేరియో సీఎన్‌జీ వెర్షన్‌

న్యూఢిల్లీ, జనవరి 17: దేశీయ మార్కెట్లోకి సెలేరియో సీఎన్‌జీ వెర్షన్‌ను అందుబాటులోకి తీసుకొచ్చింది మారుతి సుజుకీ. ఈ కారు ధరను రూ.6.58 లక్షలుగా నిర్ణయించింది. కే-సిరీస్‌ 1.0 లీటర్‌ ఇంజిన్‌తోపాటుఎస్‌-సీఎన్‌టీ టెక్నాలజీ కలిగిన ఈ మోడల్‌ 35.60 కిలోమీటర్‌/కిలోగ్రాము మైలేజీ ఇవ్వనున్నది. సీఎన్‌జీ ట్యాంక్‌ కెపాసిటీ 60 లీటర్లు. దేశవ్యాప్తంగా గ్రీన్‌ వాహనాలకు పెరుగుతున్న డిమాండ్‌ను దృష్టిలో పెట్టుకొని రూపొందించిన ఈ సీఎన్‌జీ వెర్షన్‌ సంస్థ కమిట్‌మెంట్‌కు నిదర్శనమని కంపెనీ సీనియర్‌ ఈడీ శశాంక్‌ శ్రీవాత్సవ తెలిపారు.