Starbucks-Zomato | ఇప్పుడంతా టెక్నాలజీ మయం.. వార్తలు తెలుసుకోవడం మొదలు మనీ చెల్లింపుల వరకూ ప్రతిదీ ఆన్లైన్లోనే పూర్తవుతుంది. ఆన్లైన్లో ఫుడ్ ఆర్డర్ చేయాలన్నా .. క్యాబ్ సర్వీసులు బుక్ చేసుకోవాలన్నా అంతా ఆన్లైన్లోనే పూర్తవుతుంది. ఆన్లైన్ లావాదేవీలపై క్యాష్ బ్యాక్ ఆఫర్లు, ఇన్ స్టంట్ డిస్కౌంట్లు లభిస్తాయి. ఈ ఆప్షన్ను వాడుకోవడంలో యూజర్లు సృజనాత్మకంగా వ్యవహరిస్తుంటారు.
స్టార్బక్స్ క్వాలిటీకి మారుపేరు.. ఆయా ఫుడ్స్ ధరలు కూడా ఎక్కువ. కప్ కాఫీ ఆర్డర్ చేస్తే రూ.400 పే చేయాలి. కానీ జొమాటోలో ఆర్డర్ చేయడంతో కేవలం రూ.190లకే లభిస్తుంది. మిగతా డిస్కౌంట్లు, క్యాష్ బ్యాక్ ఆఫర్లు లభిస్తాయి. దీన్ని తనకు అనువుగా మార్చుకున్న ఓ వ్యక్తి స్టార్బక్స్ కేఫ్ కెళ్లి కాఫీ ఆర్డర్ చేశారు.. ఆగండాగండి.. ఆన్ లైన్ ఫుడ్ డెలివరీ యాప్ జొమాటోలో స్టార్ బక్స్ అడ్రస్ తోనే కాఫీ ఆర్డర్ చేశాడు. స్టార్ బక్స్ కేఫ్లోనే కూర్చుని ఉన్న సదరు వ్యక్తి రూ.190 పే చేసి.. కాఫీ సేవించానని ట్విట్టర్లో రాసుకొచ్చాడు. ఈ ఘటన ఈ నెల ఆరో తేదీన జరిగింది.
దీనిపై సంబంధిత స్టార్ బక్స్ మాల్ ట్విట్టర్ ఖాతా పోస్టులతో పూర్తిగా లోడ్ అవుతున్నది. ఈ విషయమై స్పందించిన స్టార్ బక్స్ యాజమాన్యం.. కొందరు కస్టమర్లు కేఫ్లో కూర్చునే ఆన్ లైన్లో ఆర్డర్ చేస్తున్న సంగతి జొమాటో డెలివరీ బాయ్ కి తెలుసునని, ఇదేం ఆశ్చర్యకరం కాదని వ్యాఖ్యానించింది. మరో నెటిజన్ స్పందిస్తూ.. డెలివరీ బాయ్ తక్కువ టైంలో సర్వీస్ పూర్తి చేశాడని ట్వీట్ చేశారు.