గూగుల్ కొలువు : 39 సార్లు తిర‌స్క‌రించినా 40వ సారి డ్రీమ్ జాబ్ ద‌క్కించుకున్నాడు!

డ్రీమ్‌ జాబ్‌ను సొంతం చేసుకునేందుకు చాలా మంది ప్ర‌య‌త్నిస్తుంటారు. ఉద్యోగ ప్ర‌య‌త్నాలు ఫ‌లించ‌క‌పోతే మ‌రో కంపెనీలో ఉద్యోగ‌మో లేకుంటే వ్యాపారంలోనో కుదురుకుంటారు.

న్యూయార్క్ : డ్రీమ్‌ జాబ్‌ను సొంతం చేసుకునేందుకు చాలా మంది ప్ర‌య‌త్నిస్తుంటారు. ఉద్యోగ ప్ర‌య‌త్నాలు ఫ‌లించ‌క‌పోతే మ‌రో కంపెనీలో ఉద్యోగ‌మో లేకుంటే వ్యాపారంలోనో కుదురుకుంటారు. ఇందుకు భిన్నంగా 39 సార్లు ఉద్యోగ ప్ర‌యత్నాలు బెడిసికొట్టినా ప‌ట్టుద‌ల‌తో 40వ సారి గూగుల్‌లో కొలువును సాధించాడు టేల‌ర్ కొహెన్‌. శాన్‌ఫ్రాన్సిస్కోకు చెందిన కొహెన్ 39 సార్లు సెర్చింజ‌న్ దిగ్గ‌జం తిర‌స్క‌రించినా ఏమాత్రం నిరాశ‌ప‌డకుండా ప్ర‌య‌త్నాలు కొన‌సాగించ‌డంతో డ్రీమ్ జాబ్‌ను ద‌క్కించుకున్నాడు.

గూగుల్‌తో త‌న క‌మ్యూనికేష‌న్ స్క్రీన్ షాట్‌ను కొహెన్ త‌న లింక్డిన్ ఖాతాలో షేర్ చేశాడు. గూగుల్‌లో కొలువుతీర‌క‌ముందు కొహెన్ డోర్‌డ్యాష్ కంపెనీలో స్ట్రేట‌జీ, ఆప‌రేష‌న్స్ అసోసియేట్ మేనేజ‌ర్‌గా ప‌నిచేసేవాడు. ప‌ట్టుద‌ల‌కు, అమాయక‌త్వానికి మ‌ధ్య స‌న్న‌టి గీత ఉంటుంది..తాను ఈ రెండింటిలో దేన్ని క‌లిగిఉన్నానో గుర్తించేందుకు ఇప్ప‌టికీ ప్ర‌య‌త్నిస్తున్నా అంటూ లింక్డిన్‌లో కొహెన్ రాసుకొచ్చాడు. 39 సార్లు తాను తిర‌స్క‌ర‌ణ‌కు గురైనా ఒకసారి అంగీకారం ఎదురైంద‌ని క్యాప్ష‌న్ ఇచ్చిన ఈ పోస్ట్ సోష‌ల్ మీడియాలో ప్ర‌స్తుతం తెగ వైర‌ల‌వుతోంది. తాను గూగుల్‌కు తొలిసారిగా 2019లో ద‌ర‌ఖాస్తు చేశాన‌ని మూడేండ్ల త‌ర్వాత జాబ్ ద‌క్కించుకున్నాన‌ని కొహెన్ షేర్ చేసిన స్క్రీన్‌షాట్‌లో ఉంది.

ఎట్ట‌కేల‌కు గూగుల్‌లో కొలువును  ద‌క్కించుకున్నందుకు కొహెన్‌కు లింక్డిన్ యూజ‌ర్లు అభినంద‌నలు తెల‌ప‌గా దిగ్గ‌జ టెక్ కంపెనీల్లో త‌మ‌కు ఎదురైన అనుభ‌వాల‌ను మ‌రికొంద‌రు పంచుకున్నారు. తాను అమెజాన్‌లో 120 సార్ల‌కు పైగా అప్లై చేసుకోగా ఎట్ట‌కేల‌కు జాబ్ ద‌క్కించుకున్నాన‌ని ఓ యూజ‌ర్ రాసుకొచ్చాడు. ఓ వ్య‌క్తి త‌న‌ను పెండ్లి చేసుకోవాల‌ని త‌న గ‌ర్ల్‌ఫ్రెండ్‌ను 40 సార్లు ఎన్న‌డూ అడిగిఉండ‌డ‌ని మ‌రో యూజ‌ర్ జోక్ చేశాడు. కొహెన్ త‌న సామ‌ర్ధ్యాన్ని గ్ర‌హించాల‌ని ఊరికే ఓ కంపెనీ వెంట‌ప‌డ‌టం త‌గ‌ద‌ని మ‌రికొంద‌రు యూజ‌ర్లు విమ‌ర్శించారు.