దిద్దుబాటుకు అవకాశం..!

దేశీయ స్టాక్‌ మార్కెట్లు లాభనష్టాల మధ్య ఊగిసలాడుతున్నాయి. అయినప్పటికీ గతకొద్ది వారాలుగా మదుపర్లు పెట్టుబడులకే పెద్దపీట వేస్తున్నారని చెప్పవచ్చు. ఈ క్రమంలోనే అంతకుముందు వారం ముగింపుతో పోల్చితే గత వారం బాంబే స్టాక్‌ ఎక్సేంజ్‌ (బీఎస్‌ఈ) ప్రధాన సూచీ సెన్సెక్స్‌ 564.43 పాయింట్లు పెరిగి 81,592.45 వద్ద నిలిచింది. నేషనల్‌ స్టాక్‌ ఎక్సేంజ్‌ (ఎన్‌ఎస్‌ఈ) సూచీ నిఫ్టీ 113.95 పాయింట్లు అందుకొని 25,144.30 దగ్గర ఆగింది. అమెరికా మధ్యంతర ఎన్నికల్లో ఆ దేశాధ్యక్షుడు డొనాల్డ్‌ ట్రంప్‌ పార్టీ ఓటమి.. గ్లోబల్‌ మార్కెట్లకు జోష్‌నిచ్చింది.

దేశీయ స్టాక్‌ మార్కెట్లు లాభనష్టాల మధ్య ఊగిసలాడుతున్నాయి. అయినప్పటికీ గతకొద్ది వారాలుగా మదుపర్లు పెట్టుబడులకే పెద్దపీట వేస్తున్నారని చెప్పవచ్చు. ఈ క్రమంలోనే అంతకుముందు వారం ముగింపుతో పోల్చితే గత వారం బాంబే స్టాక్‌ ఎక్సేంజ్‌ (బీఎస్‌ఈ) ప్రధాన సూచీ సెన్సెక్స్‌ 564.43 పాయింట్లు పెరిగి 81,592.45 వద్ద నిలిచింది. నేషనల్‌ స్టాక్‌ ఎక్సేంజ్‌ (ఎన్‌ఎస్‌ఈ) సూచీ నిఫ్టీ 113.95 పాయింట్లు అందుకొని 25,144.30 దగ్గర ఆగింది. అమెరికా మధ్యంతర ఎన్నికల్లో ఆ దేశాధ్యక్షుడు డొనాల్డ్‌ ట్రంప్‌ పార్టీ ఓటమి.. గ్లోబల్‌ మార్కెట్లకు జోష్‌నిచ్చింది.

ఈ ప్రభావంతోనే అంతర్జాతీయ విపణిలో ముడి చమురు ధరలు కూడా తగ్గుముఖం పడుతుండగా.. దేశీయ మార్కెట్లకు కలిసొస్తున్నది. కానీ వరుస లాభాలు దిద్దుబాటుకు దారితీయవచ్చన్న అంచనాలున్నాయి. మదుపర్లు లాభాల స్వీకరణకు మొగ్గు చూపవచ్చని అంటున్నారు. కాగా, ప్రస్తుత ఆర్థిక సంవత్సరం (2026-27) ద్వితీయ త్రైమాసికానికి (క్యూ2 లేదా జూలై-సెప్టెంబర్‌)గాను వివిధ ప్రభుత్వ, ప్రైవేట్‌ రంగ సంస్థలు ప్రకటించే ఆర్థిక ఫలితాలు సైతం కీలకమే. అయితే ముడి చమురు ధరలు పెరిగితే సూచీలు నష్టాల్లోకి జారుకోవచ్చు. తగ్గితే లాభాలనూ సంతరించుకోవచ్చు. ఇక రిటైల్‌ ద్రవ్యోల్బణం విజృంభిస్తున్న నేపథ్యంలో వచ్చే నెల రిజర్వ్‌ బ్యాంక్‌ ఆఫ్‌ ఇండియా (ఆర్బీఐ) కీలక వడ్డీరేట్లను పెంచే అవకాశాలే ఎక్కువగా కనిపిస్తున్నాయి.

ఫలితంగా బ్యాంకింగ్‌, ఫైనాన్స్‌, రియల్టీ, స్టీల్‌ రంగాల షేర్లలో అమ్మకాల ఒత్తిడికి వీలున్నది. అలాగే డాలర్‌తో పోల్చితే రూపాయి మారకం విలువ, విదేశీ మదుపర్ల పెట్టుబడులు, అంతర్జాతీయ మార్కెట్ల తీరుతెన్నులు కూడా మార్కెట్‌ కదలికల్ని ప్రభావితం చేయగలవు. అమ్మకాల ఒత్తిడి కనిపిస్తే నిఫ్టీకి 24,700 పాయింట్ల స్థాయి కీలకమైనదనుకోవచ్చు. దీనికి దిగువన ముగిస్తే 24,500 పాయింట్ల స్థాయిని మద్దతుగా చెప్పుకోవచ్చని అత్యధిక నిపుణుల మాట. అయితే సూచీలు పరుగందుకుంటే ఈ వారం నిఫ్టీ 25,400-25,600 పాయింట్ల స్థాయికి వెళ్లవచ్చని కూడా అత్యధిక ఎక్స్‌పర్ట్స్‌ చెప్తున్నారు.

గమనిక.. స్టాక్‌ మార్కెట్‌ పెట్టుబడులు రిస్క్‌తో కూడుకున్నవి. వివిధ దేశ, విదేశీ పరిణామాలు ట్రేడింగ్‌ను ఎక్కువగా ప్రభావితం చేస్తుంటాయి. కాబట్టి ఇక్కడ ఒడిదుడుకులు చాలా సహజం. పెట్టుబడులు పెట్టే ముందు ఆర్థిక నిపుణుల సలహా తీసుకోవడం, ఆయా సాధనాల డాక్యుమెంట్లను క్షుణ్ణంగా చదువుకోవడం ఉత్తమం. అలాగే పైన పేర్కొన్న వివరాలు విశ్లేషకుల అభిప్రాయం మాత్రమే. దీనికి మా పత్రిక ఎటువంటి బాధ్యత వహించదు. ఎవరి పెట్టుబడులకు వారిదే పూర్తి బాధ్యత. అవగాహన కోసమే ఈ మార్కెట్‌ పల్స్‌.