Home Loan Tax Benifits | ఇల్లు కొనాలనుకుంటున్నారా.. లోన్ తీసుకుంటే ఈ బెనిఫిట్స్‌ పొందొచ్చు

Home Loan Tax Benifits | రుణంపై ఇల్లు కొనుగోలుతో ఐటీ మిన‌హాయింపుతోపాటు టాప‌ప్ లోన్‌, ఓవర్‌డ్రాఫ్ట్ ఫెసిలిటీ వంటి బెనిఫిట్లు పొందొచ్చు.

Home Loan Tax Benifits | సొంతిల్లు ప్ర‌తి ఒక్క‌రి క‌ల‌. రోజువారీ కుటుంబ ఖ‌ర్చులు భ‌రిస్తూనే సొంతింటిని క‌ట్టుకోవాలంటే ఇంటి రుణ‌మే ప‌రిష్కార మార్గం. ఇలా ఇంటి రుణం తీసుకోవ‌డం వ‌ల్ల దీర్ఘ‌కాలికంగా రుణ వాయిదాలు చెల్లించాల్సి వ‌చ్చినా ప్ర‌యోజ‌నాలు ఉన్నాయి. మొద‌టిసారి హోంలోన్ తీసుకున్న వారికి ల‌భించే బెనిఫిట్స్ తెలుసుకుందామా..!

హోంలోన్‌పై ఐటీ చ‌ట్టం 24 (బీ) సెక్ష‌న్ కింద రూ.2 ల‌క్ష‌లు, 80సీ సెక్ష‌న్ కింద రూ.1.5 ల‌క్ష‌ల వ‌డ్డీ చెల్లింపుపై ప‌న్ను మిన‌హాయింపుల‌భిస్తుంది. అంటే మొత్తం రూ.3.50ల‌క్ష‌ల వ‌ర‌కు ఐటీ కింద మిన‌హాయింపు క్ల‌యిమ్ చేసుకోవ‌చ్చు.

రుణ గ్ర‌హీత‌తో కో-అప్లికెంట్ ఉండ‌టం వ‌ల్ల ప్ర‌యోజ‌నాలున్నాయి. లోన్ భారంగా కాకుండా కో-అప్లికెంట్‌ను జ‌త చేసుకుంటే కాస్త రిలీఫ్‌గా ఉంటుంది. ఎక్కువ ప‌రిమాణంలో లోన్ పొంద‌డంతోపాటు ఇరువురు ప‌న్ను మిన‌హాయింపు క్ల‌యిమ్ చేయొచ్చు. ఆర్థిక స‌మ‌స్య‌లు చుట్టుముడితే రుణ వాయిదా చెల్లింపులో ఇబ్బందులు త‌లెత్త‌వు. భార్యను కో-అప్లికెంట్‌గా చేసుకోవ‌డం వ‌ల్ల బెనిఫిట్లు ల‌భిస్తాయి. మ‌హిళ కో-అప్లికెంట్‌గా ఉన్నందున త‌క్కువ వ‌డ్డీరేట్‌కు రుణం మంజూర‌వుతుంది.

ఇంటిరుణం తీసుకున్న త‌ర్వాత అత్య‌వ‌స‌ర ప‌రిస్థితులు త‌లెత్తితే టాప‌ప్ రుణం కూడా పొందొచ్చు. ప్ర‌త్యేకించి పిల్ల‌ల చ‌దువులు, హాస్పిట‌ల్ బిల్లుల‌కు ఉప‌యోగ‌ప‌డుతుంది టాప‌ప్ లోన్‌. ఇత‌ర మార్గాల్లో తీసుకునే రుణం కంటే టాపప్ లోన్‌పై వ‌డ్డీరేటు కూడా త‌క్కువే.

త‌రుచుగా డ‌బ్బు అవ‌స‌ర‌మైన వారు ఇంటి రుణంపై ఓవ‌ర్‌డ్రాఫ్ట్ ఫెసిలిటీని కూడా పొందొచ్చు. గ‌డువు తీరే లోపు వ‌డ్డీలేకుండా ఓవ‌ర్ డ్రాఫ్ట్ మొత్తం చెల్లించొచ్చు. ఇంటి రుణ వాయిదా చెల్లింపున‌కు కూడా ఈ ఓడీ మొత్తం వాడుకోవ‌చ్చు. త‌ద్వారా అధిక రుణ భారం త‌ప్పించుకోవ‌చ్చు.