PAN Card | మీ పాన్ కార్డు పనిచేస్తుందా? ఆధార్‌తో లింక్‌ చేయలేదని ఇన్‌యాక్టివ్‌ అయ్యిందా? ఇలా తెలుసుకోండి
PAN Card | మీ పాన్ కార్డును ఆధార్‌ కార్డుతో ఇంకా లింక్‌ చేయలేదా? అయితే తొందరగా రెండింటినీ అనుసంధానం చేసుకోండి. లేదంటే ఇకపై మీ పాన్ కార్డు పనిచేయకపోవచ్చు. ఇప్పటికే ఆధార్‌తో లింక్‌ చేయని చాలావరకు పాన్ కార్డులు ఇన్‌యాక్టివ్‌ అయ్యాయి. మరి మీ పాన్ కార్డు పనిచేస్తుందా? లేదా? తెలుసుకోండి.
PAN Card | మీ పాన్ కార్డును ఆధార్‌ కార్డుతో ఇంకా లింక్‌ చేయలేదా? అయితే తొందరగా రెండింటినీ అనుసంధానం చేసుకోండి. లేదంటే ఇకపై మీ పాన్ కార్డు పనిచేయకపోవచ్చు. ఇప్పటికే ఆధార్‌తో లింక్‌ చేయని చాలావరకు పాన్ కార్డులు ఇన్‌యాక్టివ్‌ అయ్యాయి. మరి మీ పాన్ కార్డు పనిచేస్తుందా? లేదా? తెలుసుకోండి. ఇన్‌యాక్టివ్‌ అయితే వెంటనే పాన్ కార్డుతో ఆధార్‌ను లింక్‌ చేసుకోండి. పాన్ కార్డు పనిచేస్తుందా? లేదా? అనే విషయం ఎలా తెలుసుకోవాలని గందరగోళానికి గురికావాల్సిన అవసరమేమీ లేదు. సులువుగా ఇంట్లో కూర్చొనే ఈ విషయాన్ని తెలుసుకోవచ్చు.
ఇదీ ప్రాసెస్‌..
☞ ఇందుకోసం ముందుగా ఇన్‌కమ్‌ ట్యాక్స్‌ డిపార్ట్‌మెంట్‌ ఇ-ఫైలింగ్‌ పోర్టల్‌ https://www.incometax.gov.in/iec/foportal/ ఓపెన్‌ చేయండి.
☞ ఆదాయపు పన్ను శాఖ ఇ ఫైలింగ్‌ పోర్టల్‌ ఓపెన్‌ అయిన తర్వాత ఎడమ వైపు పైభాగంలో ఉన్న హోమ్‌ బటన్‌పై క్లిక్ చేయండి. అప్పుడు కొన్ని క్విక్‌ లింక్స్‌ కనిపిస్తాయి.
☞ క్విక్‌ లింక్స్‌లో వెరిఫై యు పాన్ అనే ఆప్షన్‌ను ఎంచుకోవాలి. అప్పుడు కొత్త పేజీ ఓపెన్‌ అవుతుంది.
☞ అందులో పాన్, పూర్తి పేరు, పుట్టిన తేదీ, మొబైల్‌ నంబర్‌ ఎంటర్‌ చేసి కంటిన్యూపై క్లిక్ చేయాలి.
☞ అప్పుడు వెరిఫికేషన్‌ పేజి ఓపెన్‌ అవుతుంది. అందులో మీ మొబైల్‌ నంబర్‌కు వచ్చిన ఆరు అంకెల ఓటీపీని ఎంటర్‌ చేయాలి. అప్పుడు మీ పాన్ కార్డు వాలిడ్‌ అవునో కాదో తెలుస్తుంది.
మీ పాన్ కార్డుతో ఆధార్‌ కార్డు లింక్‌ అయ్యిందో లేదో ఇలా తెలుసుకోండి..
☞ ముందుగా ఇన్‌కమ్‌ ట్యాక్స్‌ డిపార్ట్‌మెంట్‌ ఇ-ఫైలింగ్‌ పోర్టల్‌ https://www.incometax.gov.in/iec/foportal/ ఓపెన్‌ చేయండి.
☞ ఆదాయపు పన్ను శాఖ ఇ ఫైలింగ్‌ పోర్టల్‌ ఓపెన్‌ అయిన తర్వాత ఎడమ వైపు పైభాగంలో ఉన్న హోమ్‌ బటన్‌పై క్లిక్ చేయండి. అప్పుడు కొన్ని క్విక్‌ లింక్స్‌ కనిపిస్తాయి.
☞ క్విక్‌ లింక్స్‌లో లింక్‌ ఆధార్‌ స్టేటస్‌పై క్లిక్ చేయాలి. అప్పుడు కొత్త పేజీ ఓపెన్‌ అవుతుంది. అందులో పాన్ కార్డు, ఆధార్‌ నంబర్‌ ఎంటర్‌ చేసి.. వ్యూ లింక్‌ ఆధార్‌ స్టేటస్‌ అనే బటన్‌పై క్లిక్ చేయాలి.
☞ అప్పుడు వెరిఫికేషన్‌ పేజి ఓపెన్‌ అవుతుంది. అందులో మీ మొబైల్‌ నంబర్‌కు వచ్చిన ఆరు అంకెల ఓటీపీని ఎంటర్‌ చేయాలి. అప్పుడు మీ పాన్ కార్డుతో ఆధార్‌ కార్డు లింక్‌ అయ్యిందో లేదో తెలుస్తుంది.
ఇక్కడ కొన్ని విషయాలు గమనించాల్సి ఉంటుంది. అవేంటంటే.. మొబైల్‌కు వచ్చిన ఓటీపీ 15 నిమిషాలు మాత్రమే చెల్లుబాటు అవుతుంది. అలాగే సరైన ఓటీపీని ఎంటర్‌ చేయడానికి మూడు సార్లు మాత్రమే అవకాశం ఉంటుంది. కాబట్టి ఓటీపీని ఎంటర్‌ చేసేటప్పుడు జాగ్రత్తగా ఉండాలి.
Read Today's Latest Business News in Telugu and Telugu News
- Follow Us :
-
