Government Banks | ఇకపై వారానికి ఐదు రోజులే పనిచేయనున్న ప్రభుత్వ బ్యాంకులు

ప్రభుత్వ బ్యాంక్‌లు వాటి ఉద్యోగులకు వారానికి ఐదు రోజుల పనిని అనుమతించనున్నాయి. త్వరలో ఈ మేరకు కేంద్ర ఆర్థిక మంత్రిత్వ శాఖ ఆమోదముద్ర వేస్తుందని సంబంధిత వర్గాలు వెల్లడించాయి.

• త్వరలో నోటిఫికేషన్‌

Government Banks | న్యూఢిల్లీ, మే 3: ప్రభుత్వ బ్యాంక్‌లు వాటి ఉద్యోగులకు వారానికి ఐదు రోజుల పనిని అనుమతించనున్నాయి. త్వరలో ఈ మేరకు కేంద్ర ఆర్థిక మంత్రిత్వ శాఖ ఆమోదముద్ర వేస్తుందని సంబంధిత వర్గాలు వెల్లడించాయి. వారానికి ఐదు రోజుల పని పద్ధతిని ఇంతకుముందే ఇండియన్‌ బ్యాంక్స్‌ అసోసియేషన్‌ (ఐబీఏ), యునైటెడ్‌ ఫోరం ఆఫ్‌ బ్యాంక్‌ ఎంప్లాయీస్‌ (యూఎఫ్‌బీఈ) సూత్రప్రాయంగా ఒక అంగీకారానికి వచ్చాయి.

ఫైవ్‌ డే వర్క్‌ వీక్‌కు బదులుగా బ్యాంక్‌ సిబ్బందికి రోజుకు 40 నిముషాలు పనివేళలు పెరుగుతాయి. ప్రస్తుతం బ్యాంక్‌ ఉద్యోగులు రెండో, నాల్గో శనివారాలు సెలవు తీసుకుంటున్నారు. ప్రతీ నెలా మొదటి, మూడో శనివారాల్లో బ్యాంక్‌లు తెరిచి ఉంటున్నాయి.