Google layoffs | ఏఐ డివిజ‌న్‌లో గూగుల్‌ లేటెస్ట్ లేఆఫ్స్‌

ఈ ఏడాది ఆరంభంలోనే టెక్ దిగ్గ‌జాలు కొలువుల కోత‌కు తెగ‌బ‌డ‌టంతో టెకీల్లో గుబులు నెల‌కొంది. అమెజాన్ పెద్ద‌సంఖ్య‌లో ఉద్యోగుల‌పై వేటు వేయ‌గా తాజాగా సెర్చింజ‌న్ దిగ్గ‌జం గూగుల్ (Google layoffs) ఫ్రెష్ లేఆఫ్స్‌ను ప్ర‌క‌టించ‌డం క‌ల‌క‌లం రేపుతోంది.

న్యూఢిల్లీ : 2023లో టెక్ దిగ్గ‌జాలు స‌హా ప‌లు కంపెనీలు ఎడాపెడా మాస్ లేఆఫ్స్‌కు తెగ‌బ‌డ‌గా ఇదే ట్రెండ్ 2024లోనూ కొన‌సాగుతుందా అనే ఆందోళ‌న నెల‌కొంది. ఈ ఏడాది ఆరంభంలోనే టెక్ దిగ్గ‌జాలు కొలువుల కోత‌కు తెగ‌బ‌డ‌టంతో టెకీల్లో గుబులు నెల‌కొంది. అమెజాన్ పెద్ద‌సంఖ్య‌లో ఉద్యోగుల‌పై వేటు వేయ‌గా తాజాగా సెర్చింజ‌న్ దిగ్గ‌జం గూగుల్ (Google layoffs) ఫ్రెష్ లేఆఫ్స్‌ను ప్ర‌క‌టించ‌డం క‌ల‌క‌లం రేపుతోంది.

ఏఐ డివిజ‌న్‌లో ఉద్యోగుల తొల‌గింపుకు గూగుల్ తెగ‌బ‌డ‌టంతో మ‌రోసారి లేఆఫ్స్ భ‌యం టెకీల‌క‌ను వెంటాడుతోంది. కొలువుల కోత‌తో గూగుల్‌లో వంద‌లాది ఉద్యోగుల‌పై ప్ర‌భావం ప‌డ‌నుంది. గూగుల్ పున‌ర్వ్య‌వ‌స్ధీక‌ర‌ణ‌, వ్య‌య నియంత్ర‌ణ వ్యూహంలో భాగంగా టెక్ దిగ్గ‌జం ఉద్యోగుల తొల‌గింపున‌కు సిద్ధ‌మైంది. హార్డ్‌వేర్ డివిజ‌న్‌, డిజిట‌ల్ అసిస్టెంట్‌, ఇంజ‌నీరింగ్ టీమ్స్‌లో ఉద్యోగుల సంఖ్య‌ను త‌గ్గించ‌నున్న‌ట్టు గూగుల్ 9టూ5గూగుల్ స్టేట్‌మెంట్‌లో నిర్ధారించింది.

తాజా జాబ్‌క‌ట్స్ వాయ‌స్ ఆధారిత గూగుల్ అసిస్టెంట్‌, ఏఆర్ హార్డ్‌వేర్ టీం, కంపెనీ సెంట్ర‌ల్ ఇంజ‌నీరింగ్ ఆర్గ‌నైజేష‌న్‌లో ప‌నిచేసే వారిపై ప్ర‌భావం చూపుతాయ‌ని కంపెనీ పేర్కొంది. మైక్రోసాప్ట్‌, ఓపెన్ఏఐ ఆర్టిఫిషియ‌ల్ ఇంటెలిజెన్స్ ఆప‌రింగ్స్‌లో గూగుల్‌కు దీటైన పోటీ ఎదుర‌వ‌డంతో గూగుల్ మెయిన్ సెర్చి బిజినెస్‌పై ప్ర‌భావం చూపుతోంది. దీంతో గూగుల్ సీనియ‌ర్ ఎగ్జిక్యూటివ్స్ త‌మ కీల‌క ల‌క్ష్యాల దిశ‌గా మ‌రిన్ని నిధులు కేటాయించేందుకు ఏయే రంగాల్లో వ్య‌య నియంత్ర‌ణ చేప‌ట్టాలనే దానిపై త‌ర్జ‌నభ‌ర్జ‌న సాగిస్తున్నారు.

Read More :

Duolingo Layoffs | ఏఐతో కొలువుల కోత : టెకీల‌పై డ్యులింగో వేటు