Flipkart | ఈ-కామర్స్ ప్లాట్ ఫామ్ ఫ్లిప్ కార్ట్.. తన కస్టమర్ల కోసం మరోమారు బిగ్ సేవింగ్ డేస్ సేల్స్ (Big Saving Days Sale)) తీసుకు వచ్చింది. మే నెల ఐదో తేదీ మధ్యాహ్నం 12 గంటల నుంచి మే 10 వరకు ఈ ఆఫర్లు అమల్లో ఉంటాయి. ఫ్లిప్ కార్ట్ బిగ్ సేవింగ్ డేస్ సేల్స్ లో ఐ-ఫోన్ 13పై అద్భుతమైన ఆఫర్లు అందుబాటులో ఉన్నాయి. శాంసంగ్ గెలాక్సీ ఎఫ్14 5జీ, రియల్ మీ సీ55, గూగుల్ పిక్సెల్ 6ఏ ఇతర ఫోన్లపై భారీ డిస్కౌంట్లు అందిస్తున్నది.
ఆపిల్ ఐ-ఫోన్ 13పై ఎంత డిస్కౌంట్ ఇస్తామన్న సంగతి వెల్లడించలేదు గానీ గణనీయంగా తక్కువ ధరకే అందుబాటులో ఉంటుందని తెలిపింది. ఫ్లిప్ కార్ట్ ‘కర్టైన్ రేజర్ డీల్స్` మే ఒకటో తేదీ నుంచి మూడో తేదీ వరకు సాగుతుంది. ప్రస్తుతం ఐ-ఫోన్ 13 ధర రూ.61,999 కాగా, దానిపై 11 శాతం డిస్కౌంట్ అంటే రూ.7901 పొదుపు చేయొచ్చు. ఫ్లిప్ కార్ట్ రిటైల్ ప్రైస్ ప్రకారం రూ.69,900లకు లభిస్తుంది.
ఓల్డ్ స్మార్ట్ ఫోన్ బాగా ఉన్నట్లయితే రూ.29,250 ధర తగ్గుతుంది. వివిధ బ్యాంకు కార్డులపై కొనుగోళ్లు చేసిన వారికి ఆఫర్లు అందుబాటులో ఉన్నాయి. ఫ్లిప్ కార్ట్ యాక్సిస్ బ్యాంక్ క్రెడిట్ కార్డుపై ఐదు శాతం, హెచ్డీఎఫ్సీ డెబిట్ కార్డు, క్రెడిట్ కార్డులపై కొనుగోలు చేసే వారికి రూ.2000 చొప్పున క్యాష్ బ్యాక్ ఆఫర్ అందుబాటులో ఉంది.
ఇంకా పొకో సీ55 మోడల్ ఫోన్ ధర రూ.11,999 కాగా, రూ.7,999లకే సొంతం చేసుకోవచ్చు. ఇన్ ఫినిక్స్ హాట్ 20 5జీ ఫోన్ ధర రూ.17,999 కాగా, రూ.9,999లకే అందుబాటులో ఉంటుంది. మోటో ఈ-13 ఫోన్ రూ.10,999 నుంచి రూ.7,499, రెడ్ మీ నోట్ 12 ప్రో 5జీ మోడల్ ధర రూ.29,999 కాగా, రూ.21,749లకే సొంతం చేసుకోవచ్చు. రియల్ మీ 10 ప్రో+ ఫోన్ ధర రూ. 25,999.. ఫ్లిప్ కార్ట్ బిగ్ సేవింగ్ డేస్ సేల్స్ లో రూ.22,999 లకే లభిస్తుంది. పోకో ఎక్స్ 5 ప్రో 5జీ ఫోన్ రూ.25,999 కాగా, రూ.5000 ఆఫర్ అందుబాటులో ఉంది.
ఇక గూగుల్ పిక్సెల్ 6ఏ ఫోన్ రూ.43,999 నుంచి రూ.25,999లకు, పిక్సెల్ 7 ఫోన్ రూ.59,999 నుంచి రూ.44,999లకు తగ్గించారు. శాంసంగ్ గెలాక్సీ జడ్ ఫ్లిప్, శాంసంగ్ ఎస్21 ఎఫ్ఈ ఫోన్లపై డిస్కౌంట్లు ఉంటాయని తెలిపింది ఫ్లిప్ కార్ట్. వీటితోపాటు టీవీలు, హోం అప్లియెన్సెస్, లాప్టాప్లు, స్మార్ట్ వాచ్ లు, హెడ్ ఫోన్లు తదితరాలపై భారీ డిస్కౌంట్లు లభిస్తాయని వెల్లడించింది.