Visit:
ముంబై, జనవరి 13: ప్యాకేజింగ్‌ మెటీరియల్‌ ఉత్పత్తుల సంస్థ ఎక్సోడ్..దక్షిణ భారతంలో ఉన్న అవకాశాలపై దృష్టి సారించింది. ఇందుకోసం హైదరాబాద్‌లో ఒక ప్లాంట్‌ను ఏర్పాటు చేయబోతున్నట్లు ప్రకటించింది. పెట్టుబడులు, ఇతర వివరాలు వెల్లడించలేదు. ఇప్పటికే సంస్థకు పంజాబ్‌, మహారాష్ట్ర, హర్యానాలో ప్లాంట్లు ఉండగా..దక్షిణాదిలో తమ ఉత్పత్తులకు ఉన్న డిమాండ్‌ను దృష్టిలో పెట్టుకొని ఇక్కడ యూనిట్‌ను నెలకొల్పబోతున్నట్లు కంపెనీ ఫౌండర్‌, ఎండీ నితిన్‌ కల్లా ఈ సందర్భంగా తెలిపారు.
దేశంలో ఆర్గనైజ్డ్‌ ప్యాలెట్‌ తయారీ సంస్థ తమదేనని, ఇప్పటి వరకు 7 లక్షలకు పైగా ఈ ఉత్పత్తులను డెలివరీ చేసినట్లు చెప్పారు. ఎఫ్‌ఎంసీజీ, కన్జ్యూమర్‌ డ్యూరబుల్‌, లాజిస్టిక్‌, ఇండస్ట్రియల్స్‌, రిటైల్‌, పెట్రో కెమికల్స్‌, ఆటోమోటివ్‌, 4 పీఎల్‌ లాజిస్టిక్‌ విభాగాలకు సంబంధించిన సంస్థలు తమకు క్లయింట్లుగా ఉన్నట్లు తెలిపారు. ప్రస్తుతం సంస్థ ఆటోమేటిక్‌ ప్యాలెట్లు తయారు చేయడంతోపాటు విక్రయిస్తున్నది.
