న్యూఢిల్లీ : స్విట్జర్లాండ్లో రెండో అతిపెద్ద బ్యాంక్ క్రెడిట్ సూస్ నాలుగో క్వార్టర్లో భారీ నష్టాలు తప్పవనే అంచనాల నేపధ్యంలో పెద్దసంఖ్యలో ఉద్యోగుల తొలగింపుపై సంకేతాలు పంపింది. రాబోయే మూడేండ్లలో బ్యాంక్ పునర్వ్యవస్ధీకరణ ప్రక్రియలో భాగంగా 9,000 ఉద్యోగులను తొలగించనున్నట్టు వెల్లడించింది.
క్యాపిటల్ మార్కెట్ల మందగమనంతో పాటు సేల్స్, ట్రైనింగ్ బిజినెస్ల్లో కార్యకలాపాలు తగ్గుముఖం పట్టడంతో ఇన్వెస్ట్మెంట్ బ్యాంక్ ఈ నిర్ణయం తీసుకుంది. వెల్త్ మేనేజ్మెంట్, స్విస్ బ్యాంక్ విభాగాల్లో క్లయింట్ల కార్యకలాపాల్లోనూ స్ధబ్ధత నెలకొనడం బ్యాంక్ రాబడులపై పెను ప్రభావం చూపుతోంది.
మార్కెట్ పరిస్ధితుల కారణంగా వెల్త్ మేనేజ్మెంట్, ఇన్వెస్ట్మెంట్ బ్యాంకింగ్ విభాగాల్లో నష్టాలు తప్పవని అంచనా వేస్తోంది. నాలుగో క్వార్టర్లో 2700 మంది ఉద్యోగులను తొలగించామని, 2025 నాటికి 9000 ఉద్యోగులను తొలగిస్తామని స్పష్టం చేసింది. వరుస కుంభకోణాలు వెలుగుచూసిన క్రమంలో బ్యాంకు పునర్వ్యవస్ధీకరణపై దృష్టిసారించామని క్రెడిట్ సూస్ తెలిపింది.