Canara Bank | 10 శాతం వృద్ధి.. కెనరా బ్యాంక్‌ లాభం 3,905 కోట్లు

ప్రభుత్వరంగ సంస్థ కెనరా బ్యాంక్‌ రాణించింది. ప్రస్తుత ఆర్థిక సంవత్సరం తొలి త్రైమాసికపు నికర లాభంలో 10 శాతం వృద్ధిని నమోదు చేసుకున్నది. 2022-23 ఆర్థిక సంవత్సరం తొలి త్రైమాసికంలో రూ.3,535 కోట్లుగా ఉన్న నికర లాభం గత త్రైమాసికానికిగాను రూ.3,905 కోట్లకు ఎగబాకింది.

Canara Bank | న్యూఢిల్లీ, జూలై 25: ప్రభుత్వరంగ సంస్థ కెనరా బ్యాంక్‌ రాణించింది. ప్రస్తుత ఆర్థిక సంవత్సరం తొలి త్రైమాసికపు నికర లాభంలో 10 శాతం వృద్ధిని నమోదు చేసుకున్నది. 2022-23 ఆర్థిక సంవత్సరం తొలి త్రైమాసికంలో రూ.3,535 కోట్లుగా ఉన్న నికర లాభం గత త్రైమాసికానికిగాను రూ.3,905 కోట్లకు ఎగబాకింది.

మొండి బకాయిలు తగ్గుముఖం పట్టడం వల్లనే లాభాల్లో రెండంకెల వృద్ధి నమోదైందని బ్యాంక్‌ ఎండీ కే సత్యనారాయణ రాజు తెలిపారు. సమీక్షకాలంలో బ్యాంక్‌ ఆదాయం రూ.34,020 కోట్లకు చేరుకున్నట్లు చెప్పారు అలాగే మొండి బకాయిలపై యుద్ధం ప్రకటించినట్లు, ఇక నుంచి ప్రతి త్రైమాసికంలో రూ.1,000 కోట్ల బకాయిలను వసూలు చేయాలని లక్ష్యంగా పెట్టుకున్నట్లు చెప్పారు.

• బ్యాంక్‌ స్థూల నిరర్థక ఆస్తుల విలువ 4.14 శాతానికి దిగొచ్చింది. అలాగే నికర ఎన్‌పీఏ కూడా 1.24 శాతానికి తగ్గింది.
• మొండి బకాయిలను పూడ్చుకోవడానికి నిధుల కేటాయింపులు రూ.2,418 కోట్ల నుంచి రూ.2,171 కోట్లకు తగ్గాయి.
• ప్రస్తుత ఆర్థిక సంవత్సరంలో రూ.8,500 కోట్ల నిధుల సేకరించనున్నది.