Small Cap Funds | మూడేండ్లలో బెస్ట్ స్మాల్ క్యాప్ ఫండ్స్ ఇవే.. రిటర్న్స్ 34.42 శాతం..!

Small Cap Funds | గత మూడేండ్లలో దేశంలోని స్మాల్ క్యాప్ ఫండ్స్ లో ఐదు పథకాల్లో పెట్టుబడులపై 34.42 శాతం రిటర్న్స్ లభించాయి.

Small Cap Funds | ప్రతి ఒక్కరూ తమ ఆదాయంలో కుటుంబ అవసరాల కోసం పొదుపు చేస్తుంటారు. ఫిక్స్ డ్ డిపాజిట్లు, రికరింగ్ డిపాజిట్లు, పీపీఎఫ్, ఎస్ఎస్‌వై, పోస్టాఫీసు డిపాజిట్ పథకాలతోపాటు దేశీయ స్టాక్ మార్కెట్లు, స్టాక్ మార్కెట్ల ఆధారిత మ్యూచువల్ ఫండ్స్ లోనూ పెట్టుబడులు పెడుతుంటారు. రిస్క్ ఉన్నా మార్కెట్ ఆధారిత మ్యూచువల్ ఫండ్స్ లో పెట్టుబడులపై లాభాలు కూడా మెరుగ్గానే ఉంటాయి. వాటిల్లో స్మాల్ క్యాప్, మిడ్ క్యాప్ ఫండ్స్ ఉంటాయి. వాటిల్లో టాప్ స్మాల్ క్యాప్ ఫండ్స్ లో పెట్టుబడులపై గత మూడేండ్లలో 34.42 శాతం లాభాలు గడించారు మదుపర్లు. గత నెల 27న సంబంధిత సంస్థలు సమర్పించిన వార్షిక రిటర్న్స్ ఆధారంగా బెస్ట్ ఫండ్స్ ఏమిటో తెలుసుకుందామా..!

నిప్పన్ ఇండియా స్మాల్ క్యాప్ ఫండ్ ఇలా

నిప్పన్ ఇండియా స్మాల్ క్యాప్ ఫండ్ లో పెట్టుబడులపై మూడేండ్లలో గరిష్టంగా 34.42 శాతం, ఐదేండ్లలో 28.7 శాతం లాభాలు వచ్చాయి. మూడు నెలల్లో 2.24 శాతం, ఆరు నెలల్లో 14.85 శాతం, ఏడాదిలో 58.5 శాతం లాభాలు గడించారు మదుపర్లు. ప్రస్తుతం ఫండ్ నికర విలువ రూ.4,60,44.13 కోట్లు.

ఇలా టాటా స్మాల్ క్యాప్ ఫండ్ రిటర్న్స్

రెగ్యులర్ ప్లాన్ కింద టాటా స్మాల్ క్యాప్ ఫండ్ లో పెట్టుబడులపై మూడు నెలలకు 1.46 శాతం, ఆరు నెలలకు 10.86 శాతం, ఏడాది 40.65, మూడేండ్లలో 29.14, ఐదేండ్లలో 25.2 శాతం రిటర్న్స్ వచ్చాయి. ఫండ్ నికర విలువ రూ.62,89.22 కోట్లు ఉంటుంది.

ఎడెల్ వైజ్ స్మాల్ క్యాప్ ఫండ్ లో ఇలా

ఎడెల్ వైజ్ స్మాల్ క్యాప్ ఫండ్ లో పెట్టుబడులపై ఐదేండ్లలో 26.75 శాతం రిటర్న్స్ లభిస్తే, మూడేండ్లలో 27.64 శాతం, ఏడాదిలో 51.52 శాతం, ఆరు నెలల్లో 12.83, మూడు నెలల్లో 0.81 శాతం రిటర్న్స్ అందుకున్నారు. ఫండ్ నికర విలువ 3,147.36 కోట్లు ఉంటది.

ఐసీఐసీఐ ప్రూడెన్షియల్ స్మాల్ క్యాప్ ఫండ్ ఇలా

ఐసీఐసీఐ ప్రూడెన్షియల్ స్మాల్ క్యాప్ ఫండ్ నికర విలువ రూ.7,415.35 కోట్లు ఉంటుంది. ఈ ఫండ్ లో పెట్టుబడిపై మూడు నెలలకు 0.59 శాతం, ఆరు నెలలకు 10.56 శాతం, ఏడాదిలో 44.1, మూడేండ్లలో 27.2, ఐదేండ్లలో 24.89 శాతం రిటర్న్స్ అందుతాయి.