ఆస్టాన్‌ మార్టిన్‌ నుంచి స్పోర్ట్స్‌ కారు

బ్రిటన్‌కు చెందిన అల్ట్రా - లగ్జరీ స్పోర్ట్స్‌ కార్ల తయారీ సంస్థ ఆస్టాన్‌ మార్టిన్‌.. సరికొత్త మాడల్‌ను దేశీయ మార్కెట్లోకి విడుదల చేసింది.

హైదరాబాద్‌, అక్టోబర్‌ 7: బ్రిటన్‌కు చెందిన అల్ట్రా – లగ్జరీ స్పోర్ట్స్‌ కార్ల తయారీ సంస్థ ఆస్టాన్‌ మార్టిన్‌.. సరికొత్త మాడల్‌ను దేశీయ మార్కెట్లోకి విడుదల చేసింది. ప్రపంచంలో తొలి సూపర్‌ టౌరర్‌ కారైన డీబీ 12 దేశీయ రోడ్లపై దూసుకుపోనున్నది. ఈ కారు ధర రూ.4.59 కోట్లుగా నిర్ణయించింది.

దేశీయ ఆటోమొబైల్‌ రంగంలోకి అడుగుపెట్టి 110 ఏండ్లు పూర్తైన సందర్భంగా విడుదల చేసిన ఈ కారు కస్టమర్ల అభిరుచికి తగ్గట్టుగా డిజైన్‌ చేసినట్టు కంపెనీ బ్రాండ్‌ మేనేజర్‌ జై మెహ్రా తెలిపారు. 1928లో బ్రిటన్‌ నుంచి దిగుమతి చేసుకొని భారత్‌లో విక్రయాలు ప్రారంభించిన విషయం తెలిసిందే. కేవలం 3.5 సెకండ్లలో 100 కిలోమీటర్ల వేగాన్ని అందుకోనున్న ఈ కారు గంటకు 202 కిలోమీటర్లు ప్రయాణించనున్నది.