యాపిల్‌ మడత ఫోన్

‌
కాలిఫోర్నియా, మార్చి 4: యాపిల్‌ స్మార్ట్‌ఫోన్లకు ప్రపంచవ్యాప్తంగా డిమాండ్‌ ఏ స్థాయిలో ఉంటుందో ప్రత్యేకంగా చెప్పనవసరం లేదు. మార్కెట్‌లోకి వచ్చేదాకా ఈ ఐఫోన్ల వివరాలు ఎవ్వరికీ తెలియవు. అందుకే కస్టమర్లేగాక సామ్‌సంగ్‌ వంటి తోటి సంస్థలూ యాపిల్‌ ఉత్పత్తుల గురించి ఆసక్తిగా ఎదురుచూస్తుంటాయి. అలాంటిది తొలిసారిగా ఈ బ్రాండ్‌ నుంచి మడతపెట్టే ఫోన్‌ వస్తున్నది. దీని డిజైన్‌ గురించి కొంత సమాచారం బయటకు వచ్చింది. అదికూడా ప్రపంచంలోనే అత్యంత విశ్వసనీయమైన ‘యాపిల్‌’ విశ్లేషకుడిగా పేరున్న మింగ్‌-చీ కూ నుంచి ఈ లీకులొచ్చాయి. 2023లో ఈ ఐఫోన్‌ మార్కెట్‌లోకి వచ్చే వీలుందని కూ తెలిపారు. ఈ ఫోన్‌ స్క్రీన్‌ దాదాపు 7.5 అంగుళాల నుంచి 8 అంగుళాల వరకు ఉండొచ్చని కూ చెప్పేశారు. దీనిపై యాపిల్‌ నుంచి అధికారిక ప్రకటన రావాల్సి ఉన్నది.