Amazon vs Flipkart | నేను ముందంటే.. నేను ముందు.. ఈ-కామ‌ర్స్ సంస్థ‌ల పోటీ

ఇండియాలో టాప్ ఈ-కామ‌ర్స్ సంస్థ‌లు అమెజాన్‌, ఫ్లిప్‌కార్ట్ ( Amazon vs Flipkart ) పండ‌గ‌ల‌కు ముందు సేల్స్ విష‌యంలో పోటీ ప‌డుతున్నాయి.

ఇండియాలో టాప్ ఈ-కామ‌ర్స్ సంస్థ‌లు అమెజాన్‌, ఫ్లిప్‌కార్ట్ ( Amazon vs Flipkart ) పండ‌గ‌ల‌కు ముందు సేల్స్ విష‌యంలో పోటీ ప‌డుతున్నాయి. ఏ పెద్ద పండ‌గ వ‌చ్చినా.. సేల్స్ పేరుతో భారీ డిస్కౌంట్లు ప్ర‌క‌టించే ఈ సంస్థ‌లు.. ఇప్పుడు కూడా ద‌స‌రా ముందు అదే ప‌ని చేశాయి. అయితే నేను ముందు అంటే నేను ముందు అన్న‌ట్లుగా ఒక‌రిని చూసి మ‌రొక‌రు త‌మ సేల్ తేదీల‌ను మార్చ‌డం విశేషం. మొద‌ట ఫ్లిప్‌కార్ట్ త‌న బిగ్ బిలియ‌న్ డేస్ సేల్ అక్టోబ‌ర్ 7 నుంచి ప్రారంభమ‌వుతుంద‌ని ప్ర‌క‌టించింది. ఆ త‌ర్వాత అమెజాన్ త‌న గ్రేట్ ఇండియ‌న్ ఫెస్టివ‌ల్ సేల్ అక్టోబ‌ర్ 4నే ప్రారంభ‌మ‌వుతుంద‌ని చెప్పింది.

దీంతో ఫ్లిప్‌కార్ట్ త‌న తేదీల‌ను మారుస్తూ అమెజాన్ కంటే ఒక రోజు ముందు, అంటే అక్టోబ‌ర్ 3నే బిగ్ బిలియ‌న్ డేస్ ప్రారంభ‌మ‌వుతుంద‌ని ప్ర‌క‌టించింది. ఇది చూసి అమెజాన్ కూడా త‌న గ్రేట్ ఇండియ‌న్ ఫెస్టివ‌ల్ సేల్‌ను ఒక రోజు ముందుకు జ‌రిపి.. అక్టోబ‌ర్ 3నే ప్రారంభం కానున్న‌ట్లు తాజాగా వెల్ల‌డించింది. ఒక‌రిని చూసి మ‌రొక‌రు సేల్ తేదీల‌ను మార్చ‌డం చూస్తుంటే.. ఈ రెండు ఈ-కామ‌ర్స్ సైట్ల మ‌ధ్య పోటీ ఏ స్థాయిలో ఉందో అర్థం చేసుకోవ‌చ్చు.