Beard Growth Tips | గ‌డ్డం పెర‌గ‌ట్లేదా.. ఈ టిప్స్ ట్రై చేయండి

Beard Growth Tips | గడ్డం పెంచడం ప్రస్తుతం ఫ్యాషన్‌. కొంతమందికి గడ్డం త్వరగా రాదు. వచ్చినా పూర్తిగా రాదు. దీంతో పూర్తి గడ్డం వస్తే బాగుండని ఎన్నో ప్రయత్నాలు చేస్తుంటారు. కొందరు టీనేజర్లు తరచూ షేవ్‌ చేసుకుంటుంటారు. ఇలాంటివారు కొన్ని చిట్కాలు పాటిస్తే చాలు మీరూ గడ్డంతో ఫ్యాషన్‌గా కనిపించవచ్చు.

• షేవింగ్‌ చేయడం వల్ల గడ్డం వస్తుందనుకోవడం సరికాదు. టీనేజర్ల ముఖంపై వెంట్రుకలు సరిగ్గా రాకముందే షేవింగ్‌, ట్రిమ్మింగ్‌ చేస్తుంటారు. ఇలా చేయడం వల్ల ముఖం గరుకుగా మారుతుంది.
• యూకలిప్టస్‌ నూనెను ఆలివ్‌ నూనెతో లేదా నువ్వుల నూనెతో కలపాలి. ఈ మిశ్రమాన్ని ముఖంపై మసాజ్‌ చేసుకొని 20 నిమిషాలు ఆగి చల్లటి నీటితో కడిగేసుకోవాలి. రోజ్‌బేరీ నూనెలో కొద్దిగా కొబ్బరి నూనె కలిపి గడ్డంపై రాసుకుంటే ఫలితం కనిపిస్తుంది.
• రెండు స్పూన్ల నిమ్మరసాన్ని ఒక స్పూన్‌ దాల్చిన చెక్క పొడిలో కలిపి చెంపలపై రాసుకోవాలి. ఆరిన తర్వాత చల్లటి నీటితో కడిగేసుకుంటే ఫలితం ఉంటుంది.
• ప్రొటీన్లతో కూడిన ఆహారాన్ని తీసుకోవడం, ప్రశాంతంగా నిద్రించడంతో పాటు ఒత్తిడికి లోనవకుండా ఉంటే గడ్డం త్వరగా వస్తుంది.
• టీనేజ్‌లో రోజుకు ఎనిమిది గ్లాసుల నీటిని తాగడం వల్ల గడ్డం బాగా వచ్చేందుకు అవకాశం ఉంటుంది.
• ఆవాల ఆకులను పేస్టులా చేసి ఉసిరి నూనెతో కలిపి గడ్డం రావాలని అనుకుంటున్న చోట పట్టించాలి. ఆ తర్వాత నీటితో కడిగేస్తే గడ్డం వచ్చే అవకాశాలు మెరుగుపడుతాయి.