AP News | ఏపీలోని పలు జిల్లాలకు రాష్ట్ర విపత్తుల నిర్వహణ సంస్థ హెచ్చరిక

AP News | ఏపీలోని పలు జిల్లాలకు విపత్తుల నిర్వహణ సంస్థ హెచ్చరికలు జారీ చేసింది.

అమరావతి : ఏపీలోని పలు జిల్లాలకు విపత్తుల నిర్వహణ సంస్థ ( Disaster Management ) హెచ్చరికలు ( Warning ) జారీ చేసింది. రాబోయే మూడు గంటల్లో చిత్తూరు, పుత్తూరు, సత్యవేడు, శ్రీసిటీ, తదితర పరిసర ప్రాంతాలలో పిడుగులతో కూడిన ఓ మోస్తరు వర్షం పడుతుందని తెలిపింది. 40-50 కిలోమీటర్ల వేగంతో గాలులు వీచే అవకాశం ఉందని వెల్లడించింది.

ప్రకాశం, పల్నాడు, నంద్యాల, గుంటూరు,శ్రీసత్యసాయి , మార్కాపురం జిల్లాలకు ఎల్లో అలెర్ట్ ప్రకటించింది. ఆయా ప్రాంతాలల్లో చెదురుమదురుగా పిడుగులతో కూడిన తేలికపాటి వర్షాలు కురిసే అవకాశం ఉందని స్పష్టం చేసింది. ఆయా ప్రాంతాల ప్రజలు అప్రమత్తంగా ఉండాలని వివరించింది.