తిరుపతి: తిరుమల (Tirumala) శ్రీవారి దర్శనానికి వెళ్తున్న భక్తులు సినిమా కష్టాలు ఎదురయ్యాయి. తిరుపతిలోని అలిపిరి వద్ద హీరో ధనుష్ (Hero Danush) నటిస్తున్న వెబ్ సిరీస్ షూటింగ్ జరుగుతున్నది. షూటింగ్కు అనుమతించిన అధికారులు ట్రాఫిక్ను దారిమళ్లించారు (Traffic Diversion). కపిల తీర్థం నుంచి తిరుమలకు వెళ్లాల్సిన అన్ని వాహనాలను డైవర్ట్ చేశారు. దీనికోసం పెద్దసంఖ్యలో పోలీసులతోపాటు బౌన్సర్ల మోహరించారు.
ఇరుకైన హరేరామ హరే కృష్ణ రోడ్లోకి వాహనాలను మళ్లించడంతో భారీగా ట్రాఫిక్ జామ్ అయింది. దీంతో తిరుమల శ్రీ వేంకటేశ్వర స్వామివారి దర్శనానికి వెళ్లే భక్తులు తీవ్ర ఇబ్బందులు ఎదుర్కొన్నారు. వెంకన్న దర్శనానికి వెళ్లేవారిని ఆపి షూటింగ్కు అనుమతించడంపై భక్తులు ఆగ్రహం వ్యక్తంచేస్తున్నారు. పోలీసులతో పలువురు వాగ్వాదానికి దిగారు.