Srisailam Temple | శ్రీశైల క్షేత్రానికి ఉగాది మహోత్సవ శోభ.. శ్రీగిరులకు పోటెత్తిన భక్తజనం.. Photos

శ్రీశైలం : భ్రమరాంబ సమేత మల్లికార్జున స్వామి కొలువైన శ్రీశైల క్షేత్రానికి భక్తులు పోటెత్తుతున్నారు.

ఈ నెల 27 నుంచి క్షేత్రంలో ఉగాది మహోత్సవాలు మొదలై.. 31 వరకు సాగనున్నాయి.

ఈ క్రమంలో కర్ణాటక, మహారాష్ట్రతో పాటు ఏపీలోని వివిధ ప్రాంతాల నుంచి భక్తులు ఆలయానికి తరలివస్తున్నారు.

ఆత్మకూరు, వెంకటాపురం తదితర ప్రాంతాల నుంచి నల్లమల అటవీ ప్రాంతం మీదుగా పాదయాత్రగా శ్రీశైలగిరికి చేరుకుంటున్నారు.

వేలాది సంఖ్యలో భక్తులు ఎండలను సైతం లెక్క చేయకుండా కాలినడకన ఆలయానికి చేరుతున్నారు.

ఉగాది ఉత్సవాల సందర్భంగా భక్తులకు దేవస్థానం విస్తృత ఏర్పాట్లు చేసింది.

తాగునీటి సౌకర్యం, వైద్య సహాయం సైతం అందిస్తున్నారు.

ఆదివారం మల్లికార్జున స్వామి అలంకార దర్శనానికి భక్తులకు ఐదుగంటల సమయం పట్టింది.

రూ.500 టిక్కెట్ స్పర్శ దర్శనానికే 3 గంటల సమయం పట్టింది.

శ్రీశైలానికి భక్తులు అధిక సంఖ్యలో తరలివస్తుండడంతో అధికారులకు ఇబ్బందికరంగా మారింది.

భక్తుల రద్దీని కంట్రోల్‌ చేయలేని పరిస్థితి నెలకొంది.

ఉత్సవాలకు ముందే పెద్ద ఎత్తున భక్తులు వస్తుండడంతో.. ఉగాది ఉత్సవాలు మొదలైతే రద్దీ ఇంకా ఎలా ఉంటుందోనని పలువురు అభిప్రాయం వ్యక్తం చేస్తున్నారు.

Srisailam Temple

Srisailam Temple

Srisailam Temple

Srisailam Temple

Srisailam Temple

Srisailam Temple

Srisailam Temple

Srisailam Temple

Srisailam Temple

Srisailam Temple

Srisailam Temple

Srisailam Temple

Srisailam Temple