Pawan Kalyan | పవన్ కల్యాణ్ బర్త్ డే వేడుకల్లో విషాదం.. ఫ్లెక్సీ కడుతుండగా కరెంటు షాక్‌తో అభిమాని మృతి

Pawan Kalyan | ఏపీ డిప్యూటీ సీఎం, జనసేన అధినేత పవన్ కల్యాణ్ పుట్టిన రోజు వేడుకల్లో అపశ్రుతి నెలకొంది. అమలాపురంలో పవన్ కల్యాణ్ ఫ్లెక్సీ ఏర్పాటు చేస్తుండగా విద్యుత్ షాక్‌కు గురై ఓ యువకుడు మృతిచెందాడు.

Pawan Kalyan |ఏపీ డిప్యూటీ సీఎం, జనసేన అధినేత పవన్ కల్యాణ్ పుట్టిన రోజు వేడుకల్లో అపశ్రుతి నెలకొంది. అమలాపురంలో పవన్ కల్యాణ్ ఫ్లెక్సీ ఏర్పాటు చేస్తుండగా విద్యుత్ షాక్‌కు గురై ఓ యువకుడు మృతిచెందాడు.

వివరాల్లోకి వెళ్తే.. అంబేద్కర్ కోనసీమ జిల్లా అమలాపురంలోని బెండమూర్లంకకు చెందిన రోళ్ల ప్రేమ్ కుమార్ హైదరాబాద్‌లో ఉద్యోగం చేస్తున్నాడు. ఇటీవల సెలవులపై స్వగ్రామానికి వచ్చిన ప్రేమ్ కుమార్.. తమ అభిమాన నేత పవన్ కల్యాణ్ జన్మదిన వేడుకల ఏర్పాట్లలో పాల్గొన్నాడు. అమలాపురంలోని ఓ కాలేజీ సమీపంలో పవన్ కల్యాణ్ ఫ్లెక్సీ ఏర్పాటు చేస్తుండగా విద్యుత్ తీగ తగలడంతో అక్కడికక్కడే మృతిచెందాడు.

సమాచారం అందుకున్న పోలీసులు ఘటనాస్థలికి చేరుకుని పరిశీలించారు. స్థానికుల నుంచి వివరాలను సేకరించారు. అనంతరం మృతదేహాన్ని పోస్టుమార్టం నిమిత్తం ఆస్పత్రికి తరలించారు.