Visit:
అమరావతి : తెలంగాణ ముఖ్యమంత్రి కల్వకుంట్ల చంద్రశేఖర్‌రావుకు ఏపీ సీఎం వైఎస్‌ జగన్ మోహన్‌ రెడ్డి పుట్టిన రోజు శుభాకాంక్షలు తెలిపారు. కేసీఆర్ సంపూర్ణ ఆయురారోగ్యాలతో, నిండు నూరేళ్లు ఆనందంగా గడపాలని భగవంతున్ని ప్రార్థిస్తున్నట్లు జగన్ ట్విటర్‌లో పేర్కొన్నారు. టీడీపీ అధినేత చంద్రబాబు నాయుడు, జనసేన అధినేత పవన్‌ కల్యాణ్‌, వైసీపీ నాయకుడు విజయసాయి రెడ్డి హృదయపూర్వక జన్మదిన శుభాకాంక్షలు తెలిపారు.
కేసీఆర్ ఆనందంగా, ఆరోగ్యాలతో ఉండాలని చంద్రబాబు ట్విటర్‌లో ఆకాంక్షించారు. ఎంతటి జఠిలమైన సమస్య తెలంగాణ రాష్ట్రానికి ఎదురైనా తన మాటలతో, వాక్చాతుర్యంతో ప్రజలకు స్వాంతన చేకూర్చడంలో ఆయనకు ఆయనే సాటి అని పవన్‌ కల్యాణ్‌ ప్రశంసించారు. ఆయన రాజకీయ ప్రయాణం, తెలంగాణ సాధనలో చేసిన పోరాటం తెలంగాణ చరిత్రలో చిరస్థాయిగా నిలిచిపోతుందన్నారు.
రాష్ట్ర విభజన తరవాత హైదరాబాద్ తోపాటు తెలంగాణ అంతటా శాంతిభద్రతలు పరిరక్షణకు ప్రాధాన్యం ఇవ్వడం విజ్ఞులందరితోపాటు తనకు ఆనందాన్ని కలిగించిందని ఆయన వెల్లడించారు. చిరకాలం ఆరోగ్యంగా, ఆనందంగా ఉండాలని ఎంపీ విజయసాయిరెడ్డి ఆకాంక్షించారు
