ఏపీ మాజీ మంత్రి, టీడీపీ నేత నారాయ‌ణ అరెస్ట్

హైద‌రాబాద్ : ఆంధ్ర‌ప్ర‌దేశ్ మాజీ మంత్రి, టీడీపీ నాయ‌కుడు నారాయ‌ణ‌ను చిత్తూరు జిల్లా పోలీసులు అరెస్టు చేశారు. హైద‌రాబాద్ కొండాపూర్‌లోని నారాయ‌ణ నివాసానికి మంగ‌ళ‌వారం ఉద‌యం ఏపీ సీఐడీ పోలీసులు వ‌చ్చారు. అనంత‌రం ఆయ‌న‌ను అదుపులోకి తీసుకుని ఏపీకి త‌ర‌లించారు.

టెన్త్ పేప‌ర్ లీక్ కేసులోనే నారాయ‌ణ అరెస్ట్ 

ఆంధ్ర‌ప్ర‌దేశ్ రాష్ట్రానికి సంబంధించిన టెన్త్ ఎగ్జామ్స్ తెలుగు పేప‌ర్ లీకైన సంగ‌తి తెలిసిందే. తిరుప‌తిలోని నారాయ‌ణ ఎస్వీ బ్రాంచ్ నుంచి తెలుగు ప్ర‌శ్నాప‌త్రం లీకైన‌ట్లు పోలీసులు గుర్తించారు. ప‌రీక్ష ప్రారంభ‌మైన త‌ర్వాత ఉద‌యం 9:57 గంట‌ల‌కు వాట్సాప్‌లో తెలుగు పేప‌ర్ వైర‌ల్ అయింది. నారాయ‌ణ విద్యాసంస్థ‌లో ప‌ని చేస్తున్న గిరిధ‌ర్ వాట్సాప్ నుంచి తెలుగు ప్ర‌శ్నాప‌త్రం లీకైన‌ట్లు పోలీసులు నిర్ధారించారు. ఈ కేసులో ఇప్ప‌టికీ గిరిధ‌ర్‌తో పాటు మ‌రొక‌రిని పోలీసులు అదుపులోకి తీసుకుని విచారిస్తున్నారు.