Old Friends | మానవత్వం చాటుకున్న 2004 టెన్త్ బ్యాచ్.. చనిపోయిన స్నేహితుడి కుటుంబానికి ఆర్థికసాయం

Old Friends |చదువుకున్న రోజుల్లో ఏర్పడిన స్నేహబంధాన్ని మరువకుండా, మృతి చెందిన సహచరుడి కుటుంబానికి 2004 టెన్త్‌ బ్యాచ్‌ పూర్వ విద్యార్థులు అండగా నిలిచారు. నిర్మల్ జిల్లా కుభీర్ మండలం కస్రా గ్రామానికి చెందిన మంగలి సంజీవ్‌ ఇటీవల మృతి చెందడంతో ఆయన కుటుంబానికి రూ.25 వేల ఆర్థిక సాయంతో పాటు నిత్యావసర సరుకులను అందజేశారు.

Old Friends |కుభీర్, అక్టోబర్ 25: చదువుకున్న రోజుల్లో ఏర్పడిన స్నేహబంధాన్ని మరువకుండా, మృతి చెందిన సహచరుడి కుటుంబానికి 2004 టెన్త్‌ బ్యాచ్‌ పూర్వ విద్యార్థులు అండగా నిలిచారు. నిర్మల్ జిల్లా కుభీర్ మండలం కస్రా గ్రామానికి చెందిన మంగలి సంజీవ్‌ ఇటీవల మృతి చెందడంతో ఆయన కుటుంబానికి రూ.25 వేల ఆర్థిక సాయంతో పాటు నిత్యావసర సరుకులను అందజేశారు.

ఆదివారం కస్రా గ్రామానికి వెళ్లిన పూర్వ విద్యార్థులు సంజీవ్‌ చిత్రపటానికి పూలమాలలు వేసి నివాళులర్పించారు. అనంతరం ఆయన కుటుంబ సభ్యులను పరామర్శించి, రూ.25 వేల ఫిక్స్‌డ్‌ డిపాజిట్‌ పత్రాన్ని అందించారు. సంజీవ్‌ కుమార్తె భవిష్యత్తుకు భరోసా కల్పించేలా ఆమె పేరు మీద సుకన్య సమృద్ధి యోజన పథకంలో ఖాతా తెరిచి, పాస్‌బుక్‌ను అందజేశారు. కుటుంబానికి అవసరమైన నిత్యావసర సరుకులను కూడా పంపిణీ చేశారు.

కలిసి చదువుకున్న సహచరుడి కుటుంబం కష్టాల్లో ఉన్న సమయంలో అండగా నిలవడం తమ బాధ్యతగా భావించి ఈ సహాయం అందించినట్లు పూర్వ విద్యార్థులు తెలిపారు. సంజీవ్‌ మృతి ఆ కుటుంబానికి తీరని లోటని, ఈ ఆర్థిక సాయం వారికి కొంత ఊరటనిస్తుందని పేర్కొన్నారు. స్నేహబంధాన్ని నిలబెట్టుకుంటూ ఆపదలో ఉన్నవారికి సహాయం చేయడం అభినందనీయమని కుటుంబ సభ్యులు, గ్రామస్తులు కొనియాడారు.

ఈ కార్యక్రమంలో కుభీర్‌కు చెందిన డాక్టర్‌ దత్తు సింగ్‌, ఏ. జీవన్‌, ఎర్రోళ్ల సతీష్‌, అనిల్‌, సాయినాథ్‌, బాలాజీ, లక్ష్మణ్‌, హనుమాన్లు, సునీల్‌, రవీందర్‌, తిరుపతి తదితర 2004 టెన్త్‌ బ్యాచ్‌ పూర్వ విద్యార్థులు పాల్గొన్నారు.