Insurance | మృతి చెందిన రైతు కుటుంబానికి రూ.2 లక్షల బీమా సాయం

Insurance | మృతి చెందిన రైతు కుటుంబానికి ప్రాథమిక వ్యవసాయ సహకార సంఘం ద్వారా రూ.2 లక్షల బీమా ఆర్థిక సాయం అందజేశారు.

కుభీర్ : మృతి చెందిన రైతు కుటుంబానికి ప్రాథమిక వ్యవసాయ సహకార సంఘం ద్వారా రూ.2 లక్షల బీమా ( Insurance ) ఆర్థిక సాయం అందజేశారు ఇటీవల బందర్వర్ సంతోష్ అనే రైతు మృతి చెందడంతో ఆయన భార్య ముత్తుభాయికి రూ.2 లక్షల బీమా చెక్కును ఆ సంఘం చైర్మన్ రేకుల గంగాచరణ్, సంఘం కార్యదర్శి ఎగ్గం క్రాంతి కుమార్ అందజేశారు.

నిర్మల్ జిల్లా కుభీర్ మండల కేంద్రంలోని పీఏసీఎస్ కార్యాలయంలో గురువారం ఏర్పాటుచేసిన కార్యక్రమంలో వారు మాట్లాడుతూ ప్రాథమిక వ్యవసాయ సహకార సంఘంలో వ్యవసాయ రుణం తీసుకునే సమయంలో రైతులకు బీమా సదుపాయం కల్పిస్తారని అన్నారు. బీమా నిబంధనలకు అనుగుణంగా 58 సంవత్సరాల లోపు రైతు మరణిస్తే వారి కుటుంబానికి రూ.2 లక్షల బీమా సాయం అందజే స్తామన్నారు.

సహకార సంఘాలలో సభ్యులుగా ఉన్న రైతులు ఈ పథకాన్ని సద్వినియోగం చేసుకోవాలని సూచించారు. ఈ కార్యక్రమంలో చొండి మాజీ సర్పంచ్ జే. చంద్రకాంత్, సిబ్బంది ఆకుల వెంకటరమణ, గణేష్, శివరామ్, నాయకులు తదితరులు పాల్గొన్నారు.