రాగి మురుకులు 

రాగులు: ఒక కప్పు, బియ్యం: ఒకటిన్నర కప్పు, శనగ పుట్నాలు: అరకప్పు, కొబ్బరిపాలు: రెండు కప్పులు

కావలసిన పదార్థాలు
రాగులు: ఒక కప్పు, బియ్యం: ఒకటిన్నర కప్పు, శనగ పుట్నాలు: అరకప్పు, కొబ్బరిపాలు: రెండు కప్పులు, వాము: అర టీస్పూన్‌, తెల్ల నువ్వులు: ఒక టేబుల్‌ స్పూన్‌, ఉప్పు: తగినంత, వెన్న: రెండు టేబుల్‌ స్పూన్లు, నూనె: వేయించడానికి సరిపడా.

తయారీ విధానం
స్టవ్‌మీద పాన్‌పెట్టి రాగులు, బియ్యం, పుట్నాలను విడివిడిగా దోరగా వేయించి, చల్లారాక మెత్తగా గ్రైండ్‌ చేయాలి. ఒక గిన్నెలో జల్లించిన పిండి, వెన్న, వాము, నువ్వులు, ఉప్పు వేసి బాగా కలిపి తగినన్ని కొబ్బరిపాలు పోస్తూ ముద్దలా కలపాలి. స్టవ్‌మీద కడాయి పెట్టి వేయించడానికి సరిపడా నూనెపోసి వేడిచేయాలి. పిండి మిశ్రమాన్ని నూనె రాసిన మురుకుల గొట్టంలో పెట్టి ఇష్టమైన ఆకారాల్లో ఒత్తుకుని దోరగా కాల్చుకుంటే కరకరలాడే రాగి మురుకులు సిద్ధం.