వానల్లో డ్రైగా ఉండాలంటే..!

వర్షాకాలంలో గాలిలో తేమ ఎక్కువగా ఉండటం వల్ల డ్రై ఫ్రూట్స్‌ మెత్తబడతాయి. బూజు పట్టడం, పురుగులు పట్టడం లాంటి సమస్యలు వస్తాయి. అయితే, వానకాలంలో డ్రై ఫ్రూట్స్‌ తాజాగా, క్రిస్పీగా ఉంచుకోవడానికి కొన్ని చిట్కాలు పాటిస్తే సరి.

వర్షాకాలంలో గాలిలో తేమ ఎక్కువగా ఉండటం వల్ల డ్రై ఫ్రూట్స్‌ మెత్తబడతాయి. బూజు పట్టడం, పురుగులు పట్టడం లాంటి సమస్యలు వస్తాయి. అయితే, వానకాలంలో డ్రై ఫ్రూట్స్‌ తాజాగా, క్రిస్పీగా ఉంచుకోవడానికి కొన్ని చిట్కాలు పాటిస్తే సరి.

• బాదం, వాల్‌నట్స్‌, పిస్తా, జీడిపప్పు లాంటివి బయటి వాతావరణంలో త్వరగా పాడవుతాయి. వీటిని ఎయిర్‌ టైట్‌ కంటెయినర్లు, జిప్‌లాక్‌ బ్యాగుల్లో పోసి.. ఫ్రిజ్‌లో ఉంచితే ఎక్కువ కాలం తాజాగా ఉంటాయి.
• జీడిపప్పు, బాదం, పల్లీలను స్టవ్‌ మీద దోరగా వేయించాలి. చల్లారిన తర్వాత డబ్బాలో భద్రపరిస్తే.. తేమ చేరకుండా క్రిస్పీగా ఉంటాయి.
• డ్రై ఫ్రూట్స్‌ను ప్లాస్టిక్‌ కవర్లలో ఉంచకుండా.. గాజు సీసాలు, నాణ్యమైన ఎయిర్‌టైట్‌ కంటైనర్లలో నిల్వ చేయాలి. తేమ తగలకుండా డబ్బా మూతలను గట్టిగా బిగించాలి.
• డ్రై ఫ్రూట్స్‌ నిల్వ చేసే డబ్బాలో రెండుమూడు లవంగాలు లేదా ఓ రెండు బిర్యానీ ఆకులు వేసి ఉంచాలి. వీటినుంచి వచ్చే ఘాటైన వాసనకు.. పురుగులు, చీమలు పట్టకుండా ఉంటాయి.
• డబ్బా మూత లోపలి భాగంలో లేదా డబ్బాలో ఫుడ్‌గ్రేడ్‌ సిలికా జెల్‌ ప్యాకెట్‌ ఉంచాలి. ఇది తేమను పీల్చుకుని డ్రై ఫ్రూట్స్‌ మెత్తబడకుండా చేస్తుంది.
• డబ్బాల్లోంచి డ్రై ఫ్రూట్స్‌ తీసుకునేటప్పుడు చేతులు తడిగా లేకుండా చూసుకోవాలి. పూర్తిగా పొడిగా ఉన్న చెంచాలనే ఉపయోగించాలి.
• ర్షాలు తగ్గి ఎండ వచ్చినప్పుడు.. డ్రై ఫ్రూట్స్‌ను శుభ్రమైన క్లాత్‌పై పరిచి, కాసేపు ఎండలో ఉంచితే వాటిలోని తేమ పూర్తిగా తొలగిపోతుంది.