Help Desk | పట్టభద్రుల ఎన్‌రోల్‌మెంట్‌ హెల్ప్‌డెస్క్ ప్రారంభం

Help Desk | జనగామ జిల్లా లింగాల గణపురం మండల కేంద్రంలో శనివారం పట్టభద్రుల ఎమ్మెల్సీ ఓటరు ఎన్‌రోల్‌మెంట్‌ హెల్ప్ డెస్క్‌ను బీఆర్ఎస్ నాయకులు ప్రారంభించారు.

లింగాల గణపురం : జనగామ జిల్లా లింగాల గణపురం ( Lingala Ghanpur) మండల కేంద్రంలో శనివారం పట్టభద్రుల ఎమ్మెల్సీ ఓటరు ఎన్‌రోల్‌మెంట్‌ హెల్ప్ డెస్క్‌ ( Help Desk ) ను బీఆర్ఎస్ నాయకులు ప్రారంభించారు. ఈ సందర్భంగా వారు మాట్లాడుతూ స్టేషన్‌ ఘన్‌పూర్‌ మాజీ ఎమ్మెల్యే డాక్టర్ తాటికొండ రాజయ్య ఆదేశాల మేరకు ఈ హెల్ప్ డెస్క్ ను ప్రారంభించామన్నారు.

మండలంలో దాదాపు 1700 మంది పట్టభద్రుల ఓట్లు ఉన్నాయన్నారు. మూడు సంవత్స రాలు డిగ్రీ పూర్తి చేసిన పట్టభద్రులు కొత్తగా మరో 200 మంది ఉన్నారన్నారు. అందరూ ఎమ్మెల్సీ ఎన్నికలో ఓటర్‌గా ఆన్‌లైన్‌లో ఎన్‌రోల్‌మెంట్‌ చేసుకోవాలని పిలుపునిచ్చారు. తమకు వివరాలు అందిస్తే హెల్ప్ డిస్క్ ద్వారా అందరి ఓట్లను ఎన్‌రోల్‌మెంట్‌ చేస్తామన్నారు.

ప్రజాస్వామ్యంలో ఓటు ఎంతో పవిత్రమైందని దానిని పట్టవద్రులంతా సద్వినియోగం చేసుకోవాలని కోరారు. ఈ కార్యక్రమంలో మండల నాయకులు గట్ట గళ్ల శ్రీహరి. నల్ల రాహుల్ ప్రారంభించగా నాయకులు గండి వరప్రసాద్. అనిల్. రమేష్. మల్లేష్ పాల్గొన్నారు.