ఈ మధ్య మన భారతీయ చిత్రాల్లోని పాటలపై విదేశీయులు స్టెప్పులేస్తూ ఆకట్టుకుంటున్నారు. ఇన్స్టా రీల్స్లో మన పాటలపై దుమ్మురేపుతున్నారు. బెంగాల్ పాట కచ్చాబాదాంతోపాటు అల్లు అర్జున్ హీరోగా నటించిన పాన్ ఇండియా మూవీ పుష్పలోని శ్రీవల్లి పాటపై పెద్ద పెద్ద సెలబ్రిటీలు కూడా స్టెప్పులేశారు. కాగా, ఓ ఫ్రెంచ్ డ్యాన్సర్ ఏఆర్ రెహమాన్ స్వరపరిచిన సాంగ్పై క్లాసికల్ డ్యాన్స్ చేసి అదరగొట్టాడు. ఈ వీడియో నెట్టింట వైరల్గా మారింది.
ఫ్రెంచ్ డ్యాన్సర్ జికా ఇన్స్టాలో చాలా పాపులర్. మంచి మంచి లొకేషన్లలో డ్యాన్స్ చేస్తూ ఇన్స్టాలో షేర్చేస్తుంటాడు. తాజాగా, ఏఆర్ రెహమాన్ స్వరపరిచిన తమిళ సినిమాలోని ‘స్నేహితా స్నేహితా’ పాటపై భరతనాట్యం చేస్తూ క్లాసిక్ ప్రదర్శన ఇచ్చాడు. ఈ వీడియో ఇంటర్నెట్లో చక్కర్లు కొడుతోంది. అతడి ఇండియన్ ఫాలోవర్స్ ఈ ప్రదర్శనకు ఫిదా అయిపోయారు. ‘లవ్ యూ’ జికా అంటూ కామెంట్లతో హోరెత్తించారు. ఈ ఏడాది ఫిబ్రవరిలో ‘కచ్చాబాదాం’ పాటపై జికా అదిరిపోయే స్టెప్పులేసే సోషల్మీడియాను ఓ ఊపుఊపాడు.