Pizza eating ways: పిజ్జాను ఇలా ఐదు విధాలుగా తిన‌వ‌చ్చ‌ట.. ఫ‌న్నీ వీడియో
Pizza eating ways: పిజ్జా..! ఇప్పుడు భార‌త్ స‌హా ప్రపంచంలోని చాలా దేశాల్లో ఈ వంట‌కాన్ని ఇష్ట‌ప‌డేవాళ్లు ఉన్నారు. బ్రెడ్‌, టొమాటో సాస్‌, చీజ్ మొద‌లైన వాటిని వినియోగించి చేసే ఈ పిజ్జాను కొంత‌మంది బోజ‌న ప్రియులు
హైద‌రాబాద్‌: పిజ్జా..! ఇప్పుడు భార‌త్ స‌హా ప్రపంచంలోని చాలా దేశాల్లో ఈ వంట‌కాన్ని ఇష్ట‌ప‌డేవాళ్లు ఉన్నారు. బ్రెడ్‌, టొమాటో సాస్‌, చీజ్ మొద‌లైన వాటిని వినియోగించి చేసే ఈ పిజ్జాను కొంత‌మంది బోజ‌న ప్రియులు ఆవురావురుమంటూ ఆర‌గిస్తారు. అయితే ఈ పిజ్జాల్లో ర‌క‌ర‌కాల వేరియేష‌న్‌లు ఉన్నాయి. ఒక్కో దేశంలో, ఒక్కో ప్రాంతంలో ఒక్కోలా ఈ పిజ్జాల‌ను త‌యారు చేస్తున్నారు. భార‌త రెస్టారెంట్ల‌లో పైన ప‌నీర్ టిక్కాతో గార్నిష్ చేసి డెలీషియ‌స్ పిజ్జాల‌ను త‌యారు చేస్తున్నారు.
అయితే, ఈ పిజ్జాల‌ను ఐదు విధాలుగా తిన‌వ‌చ్చంటూ ఇటీవల ఓ వ్య‌క్తి ఫ‌న్నీ వీడియో చేశారు. ఎమిలియానో, మెటియో అనే ఇద్ద‌రు మ్యుజీషియ‌న్‌లు సంయుక్తంగా నిర్వ‌హిస్తున్న ఇన్ స్టా హ్యాండిల్‌లో ఆ వీడియోను పోస్టు చేశారు. వీడియోలో వ్య‌క్తి ముందుగా నార్మ‌ల్ వే అంటూ ఓ పిజ్జాను ఎడ‌మ‌చేతిలో ప‌ట్టుకుని, నోటితో కొరికి చూపించాడు. ఆ త‌ర్వాత న్యూయార్క్ స్టైల్ అంటూ కుడిచేతిలో పిజ్జాను స‌గానికి మ‌డిచి ప‌ట్టుకుని తిని చూపించాడు. ఆ త‌ర్వాత సైకో వే అంటూ మ‌రో ప‌ద్ధ‌తిని చూపెట్టాడు. ఈ ప‌ద్ధ‌తిలో పిజ్జాను తిప్పిప‌ట్టుకుని వెనుక వైపు నుంచి కొరికాడు.
ఇక ఆఖ‌రుగా క‌రెక్ట్ వే అంటూ మ‌రో ప‌ద్ధ‌తిని ప్ర‌ద‌ర్శించాడు. ఈ ప‌ద్ధ‌తిలో పిజ్జాను పూర్తిగా చుట్టేశాడు. దాంతో పిజ్జాపైన చ‌ల్లిన ప‌దార్థాల‌న్నీ లోప‌లికి వెళ్లిపోయాయి. అత‌ను బ‌య‌టి నుంచి దాన్ని తిన‌డం మొద‌లుపెట్టాడు. ఈ వీడియోను ఇప్పుడు సోష‌ల్ మీడియాలో వైర‌ల్‌గా మారింది. వీడియోను షేర్ చేసిన‌ప్ప‌టి నుంచి ఇప్ప‌టివ‌ర‌కు మొత్తం 31 ల‌క్ష‌ల వ్యూస్ సాధించింది. అంతేగాక 2.70 ల‌క్ష‌ల లైకులు వ‌చ్చాయి. స‌ర‌దాగా చేసిన ఈ వీడియోపై మీరూ ఓ లుక్కేయండి..
Read Today's Latest Trending News in Telugu and Telugu News
- Follow Us :
-
