Visit:
ఆత్మకూరు(ఎం), ఆగస్టు 21 : ఇందిరమ్మ ఇల్లు లబ్ధిదారుపై కాంగ్రెస్ నాయకుడు లైంగిక దాడికి పాల్పడ్డాడు. బాధితురాలి కథనం ప్రకారం.. యాదాద్రి భువనగిరి జిల్లా ఆత్మకూరు(ఎం) మండలంలోని ఓ గ్రామానికి చెందిన మహిళకు ఇందిరమ్మ ఇల్లు మంజూరైంది. అదే గ్రామానికి చెందిన కాంగ్రెస్ గ్రామ శాఖ అధ్యక్షుడు మాలి శంకర్రెడ్డి ఇందిరమ్మ ఇంటి నిర్మాణానికి సంబంధించిన బిల్లులు త్వరగా ఇప్పిస్తానని, సొంతంగా ఎదిగేందుకు సహకారం అందిస్తానని మభ్యపెట్టి ఆమెపై లైంగిక దాడికి పాల్పడిన ఘటన వెలుగులోకి వచ్చింది. బాధిత మహిళ భర్తతో కలిసి శుక్రవారం శంకర్రెడ్డిపై పోలీస్స్టేషన్లో ఫిర్యాదు చేయగా, కేసు నమోదు చేసినట్టు ఎస్సై లక్ష్మీనారాయణ తెలిపారు.
