TS TET | హైదరాబాద్ : తెలంగాణ రాష్ట్ర ఉపాధ్యాయు అర్హత పరీక్ష (TS TET) ఫలితాలను బుధవారం ఉదయం 10 గంటలకు విడుదల చేసిన సంగతి తెలిసిందే. టెట్ పేపర్-1లో 36.89 శాతం ఉత్తీర్ణత సాధించగా, పేపర్-2లో కేవల 15.30 శాతం మాత్రమే ఉత్తీర్ణత నమోదైంది. పేపర్-2 మ్యాథ్స్, సైన్స్ విభాగంలో 18.66 శాతం, సోషల్ స్టడీస్ విభాగంలో 11.47 శాతం ఉత్తీర్ణత నమోదైంది. అభ్యర్థులు https://tstet.cgg.gov.in/ అనే అధికారిక వెబ్సైట్లో ఫలితాలను చెక్ చేసుకోవచ్చు.
టీఎస్ టెట్ పేపర్-1కు 2.26 లక్షల మంది అభ్యర్థులు, పేపర్-2కు 1.90 లక్షల మంది హాజరయ్యారు. పరీక్షలు సెప్టెంబర్ 15న జరుగగా సెప్టెంబర్ 20న టెట్ ప్రాథమిక కీని విడుదల చేశారు. సెప్టెంబర్ 23 వరకు అభ్యర్థుల నుంచి అభ్యంతరాలు స్వీకరించారు. ఇవాళ ఫలితాలను వెల్లడించారు.
2022, జూన్లో నిర్వహించిన టెట్ పేపర్-1లో 32.68 శాతం, పేపర్-2లో 49.64 శాతం మంది అభ్యర్థులు ఉత్తీర్ణత సాధించారు. 2016, మే నెలలో నిర్వహించిన టెట్లో పేపర్-1లో 54.45 శాతం, పేపర్-2లో 25.04 శాతం, 2017, జులై నెలలో నిర్వహించిన టెట్ పేపర్-1లో 57.37 శాతం, పేపర్-2లో 19.51 శాతం ఉత్తీర్ణత సాధించారు.