బీసీ సీఎంకు డెడ్లైన్ ఏమీ లేదు
మొన్నటివరకు బీసీ ముఖ్యమంత్రి విషయంలో గొప్పలు చెప్పిన టీపీసీసీ అధ్యక్షుడు మహేశ్కుమార్గౌడ్ ఇప్పుడు మాట మార్చారు. రాష్ర్టానికి బీసీ వ్యక్తి సీఎం కావడానికి ఎలాంటి తమకు ఎలాంటి తొందర కానీ, డెడ్లైన్లు ఏమీ లేవని పేర్కొన్నారు. సీఎం రేవంత్రెడ్డి పరిపాలన చూస్తుంటే 2034 వరకే కాదు.. 2039 వరకు కూడా అధికారంలో ఉంటుందని ఆయన విశ్వాసం వ్యక్తం చేశారు.
- భవిష్యత్తులో ఏదో ఒక రోజు సాధ్యం
- రేవంత్ పాలన 2039 వరకు కొనసాగుతుందనే విశ్వాసం
- టీపీసీసీ అధ్యక్షుడు మహేశ్ వ్యాఖ్య
హైదరాబాద్, అక్టోబర్ 21 (నమస్తే తెలంగాణ): మొన్నటివరకు బీసీ ముఖ్యమంత్రి విషయంలో గొప్పలు చెప్పిన టీపీసీసీ అధ్యక్షుడు మహేశ్కుమార్గౌడ్ ఇప్పుడు మాట మార్చారు. రాష్ర్టానికి బీసీ వ్యక్తి సీఎం కావడానికి ఎలాంటి తమకు ఎలాంటి తొందర కానీ, డెడ్లైన్లు ఏమీ లేవని పేర్కొన్నారు. సీఎం రేవంత్రెడ్డి పరిపాలన చూస్తుంటే 2034 వరకే కాదు.. 2039 వరకు కూడా అధికారంలో ఉంటుందని ఆయన విశ్వాసం వ్యక్తం చేశారు. భవిష్యత్తులో ఏదో ఒక నాడు కాంగ్రెస్ పార్టీ ద్వారానే బీసీ నేత ముఖ్యమంత్రి అవుతారని బుధవారం ఓ మీడియాతో మహేశ్గౌడ్ ఈ వ్యాఖ్యలు చేశారు. పార్టీ కార్యకర్తల్లో భరోసా నింపేందుకే రేవంత్రెడ్డి 2034 వరకు తానే సీఎంగా ఉంటానని చెప్పారని, అందులో తప్పేమీ లేదన్న మహేశ్.. బీసీ సీఎం నినాదం కాంగ్రెస్ అగ్రనేత రాహుల్గాంధీ ఆలోచన అని తెలిపారు. కాంగ్రెస్ పార్టీలో ఎప్పుడేం జరుగుతుందో ఊహించలేమని వ్యాఖ్యానించారు. కొండా సురేఖ విషయంలో ఆమె కుమార్తె సుస్మిత తొందరపడి వ్యవహరించారని అభిప్రాయపడ్డారు.
బీజేపీతో సాధ్యం కాదు
తాము అధికారంలోకి వస్తే బీసీలను సీఎం చేస్తామంటున్న బీజేపీ కనీసం రాష్ట్ర అధ్యక్షుడి పదవిని కూడా బీసీకి ఇవ్వలేని పరిస్థితి ఉన్నదని మహేశ్కుమార్ గౌడ్ పేర్కొన్నారు. బీసీ నేత బండి సంజయ్ రాష్ట్ర అధ్యక్షుడిగా ఉంటే ఆ పదవినే తీసేశారని, గతంలో బండారు దత్తాత్రేయ సీటును కిషన్రెడ్డి లాకున్నారని తెలిపారు. ఈ రాష్ట్రంలో బీజేపీ మొక మొలకెత్తదన్నారు. రేవంత్రెడ్డికి తనకు మధ్య కెమిస్ట్రీ కుదిరిందన్న మహేశ్.. తన విషయంలో జరుగుతున్న దుష్ప్రచారాన్ని పట్టించుకోనని స్పష్టంచేశారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
KTR | 5 లక్షల కోట్ల అవినీతి.. రేవంత్రెడ్డి దందాలను సొంత ఎమ్మెల్యేలే బయటపెడుతున్నరు: కేటీఆర్
Horoscope | 20-11-2026 శుక్రవారం.. మీ రాశి ఫలాలు
Revanth Reddy | ప్రజల సొమ్ముతో రేవంత్ ఫుట్బాల్..తనను కోసినా రూపాయిలేదన్న సీఎం వ్యాఖ్యలపై సెటైర్లు
Revanth Reddy | సీఎం సభ అట్టర్ఫ్లాప్.. రేవంత్రెడ్డి ప్రసంగిస్తుండగానే సభ నుంచి వెళ్లిపోయిన జనం
Revanth vs Raja Gopal Reddy | రేవంత్ వర్సెస్ రాజగోపాల్.. రెండు రోజులుగా సీఎంను టార్గెట్ చేసిన కాంగ్రెస్ ఎమ్మెల్యే
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

