రామగిరి, జనవరి 16 : నల్లగొండ జిల్లా కేంద్రంలోని పానగల్ పచ్చల సోమేశ్వరాలయం అద్భుత శిల్పకళకు అద్దం పడుతున్నదని డెక్కన్ హెరిటేజ్ ఫాండేషన్(డీహెచ్ఎఫ్) సహ వ్యవస్థాపకుడు హెలెన్ ఫిలాన్ అన్నారు. సోమవారం నల్లగొండలోని పానగల్ పచ్చల సోమేశ్వరాలయం, దానికి అనుబంధంగా ఉన్న మ్యూజియాన్ని హెలెన్తోపాటు అమెరికాలోని పలు ప్రాంతాలకు చెందిన తొమ్మిది మంది సభ్యుల బృందం సందర్శించింది. వారికి తెలంగాణ ప్రముఖ చరిత్రకారుడు, ప్లీచ్ ఇండియా ఫాండేషన్ వ్యవస్థాపకుడు డాక్టర్ ఈమని శివనాగిరెడ్డి పచ్చల సోమేశ్వరాలయం, అందులోని కళావైభవాలు, 11, 13వ శతాబ్దాల మధ్య ఇక్కడ పరిపాలన చేసిన కళ్యాణి చాళుక్యులు, కాకతీయుల ఆస్థానంలో ఉన్న కందూరు చోళుల చరిత్రను వివరించారు. అనంతరం ఛాయా సోమేశ్వరాలయాన్ని సందర్శించారు. కార్యక్రమంలో శరత్చంద్ర, ప్రొఫెసర్ మోలీ ఐట్కెన్, సిటీ కాలేజ్ ఆఫ్ న్యూయార్క్ ప్రొఫెసర్లు పాల్గొన్నారు.