ఎదురుగా వస్తున్న బైక్‌ను తప్పించబోయి..

హవేళీ ఘనపూర్‌ : ఎదురుగా వస్తున్న బైక్‌ను తప్పించబోయి మరో బైకును ఢీ కొట్టిన ఘటనలో యువకుడు మృతి చెందిన సంఘటన మండల కేంద్రమైన హవేళీ ఘనపూర్‌లో చోటుచేసుకుంది. ఎస్ఐ మురళి తెలిపిన వివరాల ప్రకారం.. కొండనొల్ల కుమార్ (17) అతని స్నేహితుడు కలిసి హవేళీ ఘనపూర్ మండలంలోని పోచారం వద్ద ఫొటోలు దిగాడు. అనంతరం  బైక్‌లో పెట్రోల్ పోయించుకునేందుకు హవేళీ ఘనపూర్ వస్తుండగా మెదక్ నుంచి సర్దన వైపు వెళ్తున్న క్రమంలో శ్రీసాయి గార్డెన్ వైపు ఆకస్మాతుగా బైక్ రావడంతో దాన్ని తప్పించే క్రమంలో ఎదురుగా బైక్‌ను ఢీ కొట్టడంతో వెనుక కూర్చున్న కుమార్‌కు తీవ్ర గాయాలయ్యాయి. కాగా, వారిని అంబులెన్సులో మెదక్ తరలించారు. ప్రథమ చికిత్స అనంతరం మెరుగైన చికిత్స కోసం హైదరాబాద్ తరలించగా మార్గమధ్యలో మృతి చెందినట్లు పేర్కొన్నారు. మృతి శవాన్ని మెదక్ మార్చురీలో ఉంచినట్లు తెలిపారు.