తానా ఎన్నికల నోటిఫికేషన్‌ విడుదల

ఉత్తర అమెరికా తెలుగు సంఘం (తానా) ఎన్నికల నోటిఫికేషన్‌ విడుదలైంది. ఎగ్జిక్యూటివ్‌ కమిటీ, బోర్డ్‌ పదవులకు జరిగే ఎన్నికల కోసం ఐనంపూడి కనకంబాబు నేతృత్వంలోని ఎన్నికల కమిటీ ఈ నోటిఫికేషన్‌ను విడుదల చేసింది.

• ఈ నెల 16 వరకు నామినేషన్ల స్వీకరణ
• ఏప్రిల్‌ 22న ఓట్ల లెక్కింపు, 23న ఫలితాల వెల్లడి

హైదరాబాద్‌, ఫిబ్రవరి 2 (నమస్తే తెలంగాణ): ఉత్తర అమెరికా తెలుగు సంఘం (తానా) ఎన్నికల నోటిఫికేషన్‌ విడుదలైంది. ఎగ్జిక్యూటివ్‌ కమిటీ, బోర్డ్‌ పదవులకు జరిగే ఎన్నికల కోసం ఐనంపూడి కనకంబాబు నేతృత్వంలోని ఎన్నికల కమిటీ ఈ నోటిఫికేషన్‌ను విడుదల చేసింది. ఎన్నికల షెడ్యూల్‌ ప్రకారం ఈ నెల 16 వరకు నామినేషన్లు స్వీకరిస్తారు. అదే నెల 23న పరిశీలన ఉంటుంది. మార్చి 2న నామినేషన్ల ఉపసంహరణకు ఆఖరి గడువు. మార్చి 5న పోటీలో ఉన్న అభ్యర్థుల జాబితాను ప్రకటిస్తారు. యూఎస్‌పీఎస్‌ ఫస్ట్‌క్లాస్‌ బ్యాలెట్‌ మెయిలింగ్‌ ద్వారా మార్చి 23 వరకు ఓటింగ్‌ కొనసాగుతుంది. ఏప్రిల్‌ 21 వరకు బ్యాలెట్‌ పత్రాలను స్వీకరిస్తారు. ఏప్రిల్‌ 22న ఓట్ల లెక్కింపు, మరుసటి రోజు 23న ఎన్నికల ఫలితాలను ప్రకటిస్తారు. నాలుగేండ్ల కాలపరిమితితో నాలుగు బోర్డ్‌ ఆఫ్‌ డైరెక్టర్స్‌ స్థానాలు, ఫౌండేషన్‌లో 7 స్థానాలు, రెండేండ్ల కాలపరిమితికి 29 ఎగ్జిక్యూటివ్‌ కమిటీ స్థానాల కోసం ఈ ఎన్నికలు జరుగనున్నాయి.