హైదరాబాద్ సిటీబ్యూరో, ఫిబ్రవరి 20 (నమస్తే తెలంగాణ): అంతరిక్ష రంగంలో మహిళలను ప్రోత్సహించేందుకు కొత్తగా కల్పన ఫెలోషిప్ను ప్రారంభిస్తున్నట్టు స్పేస్ టెక్నాలజీ కంపెనీ స్కైరూట్ ఏరోస్పేస్ మంగళవారం ప్రకటించింది. ఈ సందర్భంగా స్కైరూట్ సహ వ్యవస్థాపకుడు, సీఈవో పవన్ చందన మాట్లాడుతూ.. ప్రతిభావంతులైన మహిళలకు ఏరోస్పేస్లో ఉపాధి అవకాశాలను కల్పించేందుకు ఈ ఫెలోషిప్ దోహదం చేస్తుందని పేర్కొన్నారు.
ముఖ్యంగా సైన్స్, టెక్నాలజీ, ఇంజినీరింగ్, గణితం అంశాల్లో మహిళలు రాణించాల్సిన అవసరం ఉన్నదని పేర్కొన్నారు. అస్ట్రోనాట్గా పేరుపొందిన కల్పనా చావ్లాను స్ఫూర్తిగా తీసుకోని ఈ రంగంలోకి రావాలని సూచించారు. ఈ ఏడాది జూలై నుంచి మొదటి బ్యాచ్ ప్రారంభమవుతుందని, మూడు దశల్లో ఎంపిక ఉంటుందని, ఇంజినీరింగ్ ఫైనలియర్ చదువుతున్న వారు దరఖాస్తు చేసుకోవాలని తెలిపారు. వివరాలకు www.skyroot.in), (www.kalpanafellowship.com వెబ్సైట్లను సంప్రదించాలని కోరారు.