సిద్దిపేట తహసీల్దార్‌పై ఎన్‌హెచ్‌ఆర్సీకి ఫిర్యాదు

సిద్దిపేట రూరల్‌ తహసీల్దార్‌ అబ్దుల్‌ రహమాన్‌ వ్యవహారంపై న్యాయ విద్యార్థి, సామాజిక కార్యకర్త జగదీశ్‌ జాతీయ మానవ హకుల కమిషన్‌ (ఎన్‌హెచ్‌ఆర్సీ)కు గురువారం ఫిర్యాదు చేశారు.

హైదరాబాద్‌, అక్టోబర్‌ 29 (నమస్తే తెలంగాణ) : సిద్దిపేట రూరల్‌ తహసీల్దార్‌ అబ్దుల్‌ రహమాన్‌ వ్యవహారంపై న్యాయ విద్యార్థి, సామాజిక కార్యకర్త జగదీశ్‌ జాతీయ మానవ హకుల కమిషన్‌ (ఎన్‌హెచ్‌ఆర్సీ)కు గురువారం ఫిర్యాదు చేశారు. మీడియా కథనాల ప్రకారం..

బండచర్లపల్లికి చెందిన రంజిత్‌కుమార్‌తో జరిగిన సంభాషణలో తహసీల్దార్‌ అనుచితంగా మాట్లాడినట్టు ఆరోపణలు వచ్చాయని తన ఫిర్యాదులో పేర్కొన్నారు. ఈ ఘటనపై నిష్పక్షపాతంగా విచారణ జరిపి, వీడియో ఆధారాలను పరిశీలించాలని జగదీశ్‌ కోరారు. ఆరోపణలు నిర్ధారణ అయితే సంబంధిత అధికారిపై చట్టప్రకారం చర్యలు తీసుకోవాలని విజ్ఞప్తిచేశారు.