భార్యలుండగా సహజీవనం.. ఎస్సై, కానిస్టేబుల్‌ సస్పెన్షన్‌

పరాయి స్త్రీలతో సహజీవనం చేసిన వ్యవహారంలో సిద్దిపేట కమిషనరేట్‌కు చెందిన కొమురవెల్లి ఎస్సై ఎం నాగరాజుతోపాటు కరీంనగర్‌ జిల్లా ముస్తాబాద్‌ పోలీస్‌స్టేషన్‌కు చెందిన కానిస్టేబుల్‌ పీ శ్రీనివాస్‌ను మల్టీ జోన్‌-1 ఐజీపీ ఎంవీ రంగనాథ్‌ సస్పెండ్‌ చేశారు.

హైదరాబాద్‌, మే 22 (నమస్తే తెలంగాణ): పరాయి స్త్రీలతో సహజీవనం చేసిన వ్యవహారంలో సిద్దిపేట కమిషనరేట్‌కు చెందిన కొమురవెల్లి ఎస్సై ఎం నాగరాజుతోపాటు కరీంనగర్‌ జిల్లా ముస్తాబాద్‌ పోలీస్‌స్టేషన్‌కు చెందిన కానిస్టేబుల్‌ పీ శ్రీనివాస్‌ను మల్టీ జోన్‌-1 ఐజీపీ ఎంవీ రంగనాథ్‌ సస్పెండ్‌ చేశారు.

ఈ మేరకు బుధవారం ఉత్తర్వులు జారీ చేశారు. కొమురవెల్లి ఎస్సై నాగరాజు, కానిస్టేబుల్‌ శ్రీనివాస్‌ తమ భార్యలకు విడాకులు ఇవ్వకుండా పరాయి స్త్రీలతో సహజీవనం చేస్తున్నట్టుగా ఆరోపణలు వచ్చాయి. ఎస్సై నాగరాజు భార్య ఇటీవల తన పిల్లలతో కలిసి కొమురెల్లి పోలీస్‌స్టేషన్‌ ఎదుట ధర్నా చేశారు. విచారణలో ఆరోపణలు నిర్ధారణ కావడంతో ఐజీ ఈ మేరకు చర్యలు తీసుకొన్నారు.